ਪੰਜਾਬੀ ਗਾਇਕ ਜਸਬੀਰ ਜੱਸੀ ਵਲੋਂ ਦਿਲਜੀਤ ਦੋਸਾਂਝ ਦੇ ਹੱਕ 'ਚ ਟਵੀਟ

ਚੰਡੀਗੜ੍ਹ, 24 ਜੂਨ-ਪੰਜਾਬੀ ਗਾਇਕ ਜਸਬੀਰ ਜੱਸੀ ਨੇ ਦਿਲਜੀਤ ਦੋਸਾਂਝ ਦੇ ਹੱਕ ਵਿਚ ਟਵੀਟ ਕੀਤਾ ਹੈ। ਉਨ੍ਹਾਂ ਕਿਹਾ ਹੈ ਕਿ ਦਿਲਜੀਤ ਦੋਸਾਂਝ ਦਾ ਇਸ ਲਈ ਵਿਰੋਧ ਕਰਨਾ ਕਿ ਉਸਦੀ ਫਿਲਮ ਵਿਚ ਪਾਕਿਸਤਾਨੀ ਕਲਾਕਾਰ ਨੇ, ਚਲੋ ਮੰਨ ਲਿਆ ਕਿ ਇਹ ਤੁਹਾਡਾ ਦੇਸ਼ ਪ੍ਰੇਮ ਦਿਖਾਉਣ ਦਾ ਤਰੀਕਾ ਹੈ ਅਤੇ ਮੈਂ ਤੁਹਾਡੀ ਦੇਸ਼ ਭਗਤੀ ਦੀ ਕਦਰ ਕਰਦਾਂ ਹਾਂ ਪਰ ਕੀ ਤੁਸੀਂ ਜਾਣਦੇ ਹੋ ਕਿ ਸਾਡੇ ਮੁਲਕ ਵਿਚ ਤਕਰੀਬਨ 80 ਫ਼ੀਸਦੀ ਗਾਣੇ ਪਾਕਿਸਤਾਨੀ ਨੇ? ਜਾਂ ਤਾਂ ਉਥੋਂ ਦੀਆਂ ਤਰਜਾਂ ਚੋਰੀ ਕੀਤੀਆਂ ਗਈਆਂ ਨੇ ਜਾਂ ਗਾਣਿਆਂ ਦੇ ਲਫ਼ਜ਼ ਚੋਰੀ ਕੀਤੇ ਹੋਏ ਨੇ ਜਾਂ ਫਿਰ ਪੂਰੇ ਦਾ ਪੂਰਾ ਗਾਣਾ ਹੀ ਲੈ ਲਿਆ ਗਿਆ ਹੈ ਜਾਂ ਪਾਕਿਸਤਾਨੀ ਗਾਇਕਾਂ ਵਲੋਂ ਗਾਏ ਹੋਏ ਨੇ! ਹੁਣ ਦੱਸੋ ਉਨ੍ਹਾਂ ਗਾਣਿਆਂ ਬਾਰੇ ਕੀ ਸੋਚਿਆ ਤੁਸੀਂ? ਕਿ ਉਹ ਚੱਲਦੇ ਰਹਿਣਗੇ?