ਨਵੀਂ ਦਿੱਲੀ, 13 ਜੁਲਾਈ - ਸ਼ਿਵ ਕੈਂਪ, ਵਸੰਤ ਵਿਹਾਰ ਦੇ ਸਾਹਮਣੇ ਇੰਡੀਅਨ ਆਇਲ ਪੈਟਰੋਲ ਪੰਪ ਦੇ ਨੇੜੇ ਫੁੱਟਪਾਥ 'ਤੇ ਸੌਂ ਰਹੇ 5 ਲੋਕਾਂ ਨੂੰ ਇਕ ਔਡੀ ਕਾਰ ਨੇ ਦਰੜ ਦਿੱਤਾ। ਪੀੜਤਾਂ ਵਿਚ ਲਾਧੀ (ਉਮਰ 40 ਸਾਲ), ਬਿਮਲਾ (ਉਮਰ 8 ਸਾਲ), ਸਬਮੀ (ਉਮਰ 45 ਸਾਲ), ਨਾਰਾਇਣੀ (ਉਮਰ 35 ਸਾਲ) ਅਤੇ ਰਾਮਚੰਦਰ (ਉਮਰ 45 ਸਾਲ) ਸ਼ਾਮਿਲ ਹਨ।
ਇਹ ਘਟਨਾ 9 ਜੁਲਾਈ ਨੂੰ ਸਵੇਰੇ 01:45 ਵਜੇ ਦੇ ਕਰੀਬ ਵਾਪਰੀ। ਦਿੱਲੀ ਪੁਲਿਸ ਦੇ ਅਧਿਕਾਰੀ ਨੇ ਦੱਸਿਆ ਕਿ ਪੁਲਿਸ ਨੂੰ ਪੀਸੀਆਰ ਕਾਲ ਰਾਹੀਂ ਖ਼ਬਰ ਮਿਲੀ। ਜਦੋਂ ਵਸੰਤ ਵਿਹਾਰ ਪੁਲਿਸ ਸਟੇਸ਼ਨ ਦੀ ਪੁਲਿਸ ਮੌਕੇ 'ਤੇ ਪਹੁੰਚੀ, ਤਾਂ ਜ਼ਖਮੀਆਂ ਨੂੰ ਹਸਪਤਾਲ ਭੇਜਿਆ ਗਿਆ। ਅਪਰਾਧੀ ਵਾਹਨ ਦੇ ਡਰਾਈਵਰ, ਉਤਸਵ ਸ਼ੇਖਰ ਵਾਸੀ ਦਵਾਰਕਾ, ਉਮਰ 40 ਸਾਲ, ਨੂੰ ਗ੍ਰਿਫ਼ਤਾਰ ਕਰ ਲਿਆ ਗਿਆ ਅਤੇ ਕਾਨੂੰਨੀ ਕਾਰਵਾਈ ਕੀਤੀ ਗਈ ਹੈ।
