ਬਸਤਰ (ਛੱਤੀਸਗੜ੍ਹ) ,16 ਨਵੰਬਰ (ਏਐਨਆਈ): ਛੱਤੀਸਗੜ੍ਹ ਦੇ ਸੁਕਮਾ ਜ਼ਿਲ੍ਹੇ ਵਿਚ ਸੁਰੱਖਿਆ ਬਲਾਂ ਨਾਲ ਮੁਕਾਬਲੇ ਵਿਚ 2 ਔਰਤਾਂ ਸਮੇਤ 3 ਨਕਸਲੀ ਮਾਰੇ ਗਏ । ਆਈ.ਜੀ. ਬਸਤਰ ਪੀ. ਸੁੰਦਰਰਾਜ ਦੇ ਅਨੁਸਾਰ ਇਹ ਕਾਰਵਾਈ ਚਿੰਤਾਕੋਂਟਾ ਪੁਲਿਸ ਅਧਿਕਾਰ ਖੇਤਰ ਅਧੀਨ ਕੋਲਮਲ ਪਾਟ ਜੰਗਲ ਖੇਤਰ ਵਿਚ ਹੋਈ। ਉਨ੍ਹਾਂ ਕਿਹਾ ਕਿ 16 ਨਵੰਬਰ ਨੂੰ ਚਿੰਤਾਕੋਂਟਾ ਪੁਲਿਸ ਅਧਿਕਾਰ ਖੇਤਰ ਅਧੀਨ ਸੁਕਮਾ ਜ਼ਿਲ੍ਹੇ ਵਿਚ ਕੋਲਮਲ ਪਾਟ ਜੰਗਲ ਖੇਤਰ ਵਿਚ ਸੁਰੱਖਿਆ ਬਲਾਂ ਨੇ ਸਵੇਰੇ 6 ਵਜੇ ਗੋਲੀਬਾਰੀ ਕੀਤੀ। ਲੰਬੇ ਸਮੇਂ ਤੱਕ ਚੱਲੀ ਗੋਲੀਬਾਰੀ ਤੋਂ ਬਾਅਦ ਤਲਾਸ਼ੀ ਦੌਰਾਨ 2 ਔਰਤਾਂ ਸਮੇਤ 3 ਨਕਸਲੀਆਂ ਦੀਆਂ ਲਾਸ਼ਾਂ ਬਰਾਮਦ ਕੀਤੀਆਂ ਗਈਆਂ।
ਮਾਰੇ ਗਏ ਨਕਸਲੀਆਂ 'ਤੇ 15 ਲੱਖ ਰੁਪਏ ਦਾ ਸਮੂਹਿਕ ਇਨਾਮ ਸੀ। ਇਲਾਕੇ ਵਿਚ ਖੋਜ ਕਾਰਜ ਅਜੇ ਵੀ ਜਾਰੀ ਹਨ।ਆਈ.ਜੀ. ਬਸਤਰ ਪੀ. ਸੁੰਦਰਰਾਜ ਨੇ ਕਿਹਾ ਹੈ ਕਿ ਜਿਸ ਤੇਜ਼ ਰਫ਼ਤਾਰ ਨਾਲ ਅਸੀਂ ਇਹ ਕਾਰਜ ਚਲਾ ਰਹੇ ਹਾਂ, ਉਨ੍ਹਾਂ ਕੋਲ ਆਤਮ ਸਮਰਪਣ ਕਰਨ ਤੋਂ ਇਲਾਵਾ ਕੋਈ ਵਿਕਲਪ ਨਹੀਂ ਹੈ ।
