(ਛੱਤੀਸਗੜ੍ਹ), 6 ਜਨਵਰੀ (ਪੀ.ਟੀ.ਆਈ.) ਪੁਲਿਸ ਨੇ ਦੱਸਿਆ ਕਿ ਸੁਰੱਖਿਆ ਬਲਾਂ ਵਿਰੁੱਧ ਕਈ ਮੁਕਾਬਲਿਆਂ ਵਿਚ ਸ਼ਾਮਲ ਅਤੇ ਸਿਰ 'ਤੇ 5 ਲੱਖ ਰੁਪਏ ਦੇ ਇਨਾਮ ਵਾਲੀ 37 ਸਾਲਾ ਨਕਸਲੀ ਮਹਿਲਾ ਨੇ ਮੰਗਲਵਾਰ ਨੂੰ ਧਮਤਰੀ ਜ਼ਿਲ੍ਹੇ ਵਿਚ ਆਤਮ ਸਮਰਪਣ ਕਰ ਦਿੱਤਾ।
ਧਰਮਤਰੀ ਦੇ ਪੁਲਿਸ ਸੁਪਰਡੈਂਟ ਐਸ.ਪੀ. ਸੂਰਜ ਸਿੰਘ ਪਰਿਹਾਰ ਨੇ ਕਿਹਾ ਕਿ ਭੂਮਿਕਾ ਉਰਫ਼ ਸੋਮਾਰੀ ਨਾਗਰੀ ਏਰੀਆ ਕਮੇਟੀ ਦੀ ਇਕ ਸਰਗਰਮ ਮੈਂਬਰ ਸੀ ਅਤੇ ਮਾਓਵਾਦੀਆਂ ਦੇ ਗੋਬਰਾ ਲੋਕਲ ਆਰਗੇਨਾਈਜ਼ੇਸ਼ਨ ਸਕੁਐਡ (LOS) ਦੀ 'ਕਮਾਂਡਰ' ਵਜੋਂ ਸੇਵਾ ਨਿਭਾਉਂਦੀ ਸੀ।
ਬੀਜਾਪੁਰ ਜ਼ਿਲ੍ਹੇ ਦੀ ਰਹਿਣ ਵਾਲੀ ਭੂਮਿਕਾ ਨੇ ਪੁਲਿਸ ਨੂੰ ਦੱਸਿਆ ਕਿ ਉਹ "ਖੋਖਲੀ" ਮਾਓਵਾਦੀ ਵਿਚਾਰਧਾਰਾ ਤੋਂ ਨਿਰਾਸ਼ ਸੀ।
ਪੁਲਿਸ ਨੇ ਕਿਹਾ ਕਿ ਉਸਨੇ ਸੀਪੀਆਈ (ਮਾਓਵਾਦੀ) ਦੇ ਅੰਦਰ ਵਿਤਕਰੇ ਅਤੇ ਪਰਿਵਾਰਕ ਜੀਵਨ ਤੋਂ ਲੰਬੇ ਸਮੇਂ ਤੱਕ ਵੱਖ ਰਹਿਣ ਨੂੰ ਆਤਮ ਸਮਰਪਣ ਦੇ ਕਾਰਨਾਂ ਵਜੋਂ ਦੱਸਿਆ। ਉਹ ਛੱਤੀਸਗੜ੍ਹ ਸਰਕਾਰ ਦੀ ਆਤਮ ਸਮਰਪਣ ਅਤੇ ਪੁਨਰਵਾਸ ਨੀਤੀ ਤੋਂ ਵੀ ਪ੍ਰਭਾਵਿਤ ਸੀ।
