ਨੈਸ਼ਨਲ ਹਾਈਵੇ ਉੱਪਰੋਂ ਬਣ ਰਹੇ ਭਾਰਤ ਮਾਲਾ ਦੇ ਫਲਾਈ ਓਵਰ ਨੇੜੇ ਧੁੰਦ ਕਾਰਨ ਵਾਪਰਿਆ ਹਾਦਸਾ

ਲਹਿਰਾ ਮੁਹੱਬਤ (ਬਠਿੰਡਾ), 18 ਜਨਵਰੀ (ਸੁਖਪਾਲ ਸਿੰਘ ਸੁੱਖੀ)- ਅੱਜ ਸਵੇਰੇ ਕਰੀਬ 8 ਵਜੇ ਸੰਘਣੀ ਧੁੰਦ ਕਾਰਨ ਲਹਿਰਾ ਮੁਹੱਬਤ ਕੋਲ ਬਠਿੰਡਾ ਚੰਡੀਗੜ੍ਹ ਨੈਸ਼ਨਲ ਹਾਈਵੇ 7 ਉੱਪਰ ਭਾਰਤ ਮਾਲਾ ਐਕਸਪ੍ਰੈਸ ਵੇਅ ਦੇ ਨਵੇਂ ਉਸਾਰੀ ਅਧੀਨ ਫਲਾਈ ਓਵਰ ਨੇੜੇ ਰੋਡ ਡਿਵਾਈਡ ਹੋਣ ਕਾਰਨ ਇਕ ਸਕਾਰਪੀਓ ਗੱਡੀ ਹਾਦਸੇ ਦਾ ਸ਼ਿਕਾਰ ਹੋ ਗਈ। ਸਕੋਰਪੀਓ ਗੱਡੀ ਵਿਚ ਪੰਜ ਵਿਅਕਤੀ ਸਵਾਰ ਸਨ। ਗੱਡੀ ਨੂੰ ਚਲਾ ਰਹੇ ਮੁਸਤਕਿਲ ਨੇ ਦੱਸਿਆ ਕਿ ਉਹ ਸ੍ਰੀਨਗਰ ਤੋਂ ਘੁੰਮ ਕੇ ਆਏ ਸਨ ਤੇ ਵਾਪਸ ਜੈਪੁਰ (ਰਾਜਸਥਾਨ) ਜਾ ਰਹੇ ਸਨ। ਧੁੰਦ ਜ਼ਿਆਦਾ ਹੋਣ ਕਾਰਨ ਇਥੇ ਆ ਕੇ ਅਚਾਨਕ ਰਸਤਾ ਭੀੜਾ ਹੋਣ ਕਰਕੇ ਅੱਗੇ ਆ ਰਹੀ ਗੱਡੀ ਇਕਦਮ ਰੁਕ ਗਈ, ਜਿਸ ਨੂੰ ਬਚਾਓਣ ਲਈ ਉਸ ਨੇ ਗੱਡੀ ਮੋੜੀ ਤਾਂ ਅੱਗੇ ਜਾ ਕੇ ਗੱਡੀ ਡਿਵਾਈਡਰ ਦੇ ਵਿਚ ਜਾ ਵੱਜੀ । ਡਿਵਾਈਡਰ ਚ ਵੱਜਣ ਨਾਲ ਗੱਡੀ ਪਲਟ ਗਈ, ਪਰ ਵਿਚ ਸਵਾਰ ਪੰਜੇ ਵਿਅਕਤੀ ਠੀਕ ਠਾਕ ਹਨ।