ਲਖਨਊ ਵਿਖੇ ਦੁਬਈ ਤੋਂ ਕਾਠਮੰਡੂ ਜਾ ਰਹੀ ਫ਼ਲਾਈਟ ਦੀ ਐਮਰਜੈਂਸੀ ਲੈਡਿੰਗ

ਲਖਨਊ, 11 ਅਪ੍ਰੈਲ- ਅੱਜ ਸਵੇਰੇ ਦੁਬਈ ਤੋਂ ਕਾਠਮੰਡੂ ਜਾ ਰਹੀ ਇਕ ਫਲਾਈਟ ਦੀ ਲਖਨਊ ਹਵਾਈ ਅੱਡੇ 'ਤੇ ਐਮਰਜੈਂਸੀ ਲੈਂਡਿੰਗ ਕੀਤੀ ਗਈ। ਕਾਠਮੰਡੂ ਵਿਚ ਖ਼ਰਾਬ ਮੌਸਮ ਕਾਰਨ, ਉੱਥੇ ਲੈਂਡਿੰਗ ਦੀ ਇਜਾਜ਼ਤ ਨਹੀਂ ਦਿੱਤੀ ਗਈ। ਇਸ ਤੋਂ ਬਾਅਦ ਪਾਇਲਟ ਨੇ ਲਖਨਊ ਏਅਰ ਟ੍ਰੈਫਿਕ ਕੰਟਰੋਲ (ਏਟੀਸੀ) ਨੂੰ ਫ਼ੋਨ ਕੀਤਾ ਅਤੇ ਲੈਂਡਿੰਗ ਦੀ ਇਜਾਜ਼ਤ ਮੰਗੀ।

ਇਜਾਜ਼ਤ ਮਿਲਣ ਤੋਂ ਬਾਅਦ ਜਹਾਜ਼ ਸਵੇਰੇ 8:22 ਵਜੇ ਅਮੌਸੀ ਹਵਾਈ ਅੱਡੇ 'ਤੇ ਸੁਰੱਖਿਅਤ ਉਤਰਿਆ। ਇਸ ਉਡਾਣ ਵਿਚ (FZ-1133) ਵਿਚ 154 ਯਾਤਰੀ ਸਵਾਰ ਸਨ। ਤਕਨੀਕੀ ਟੀਮ ਨੇ ਜਹਾਜ਼ ਦਾ ਮੁਆਇਨਾ ਕੀਤਾ ਤੇ ਤੇਲ ਭਰਨ ਤੋਂ ਬਾਅਦ ਲਗਭਗ ਡੇਢ ਘੰਟੇ ਬਾਅਦ ਸਵੇਰੇ 10 ਵਜੇ ਜਹਾਜ਼ ਨੂੰ ਕਾਠਮੰਡੂ ਭੇਜਿਆ ਗਿਆ।