ਖੇਤੀਬਾੜੀ ਕਾਮੇ ਦੀ ਕਰੰਟ ਲੱਗਣ ਨਾਲ ਮੌਤ

ਬਰਨਾਲਾ/ ਰੂੜੇਕੇ ਕਲਾਂ, 6 ਮਈ (ਗੁਰਪ੍ਰੀਤ ਸਿੰਘ ਕਾਹਨੇਕੇ) - ਪਿੰਡ ਰੂੜੇਕੇ ਕਲਾਂ ਵਿਖੇ ਖੇਤੀਬਾੜੀ ਕਾਮੇ ਦੀ ਕਿਸਾਨ ਦੇ ਖੇਤ ਮੋਟਰ ਸਟਾਟਰ ਤੋਂ ਕਰੰਟ ਲੱਗਣ ਕਾਰਨ ਮੌਤ ਹੋਣ ਦੀ ਖ਼ਬਰ ਹੈ। ਮ੍ਰਿਤਕ ਦੀ ਲੜਕੀ ਕਰਮਜੀਤ ਬੇਗਮ ਨੇ ਜਾਣਕਾਰੀ ਦਿੰਦੇ ਹੋਏ ਦੱਸਿਆ ਕਿ ਉਸ ਦਾ ਪਿਤਾ ਦੁੱਲਾ ਖ਼ਾਨ ਉਮਰ ਕਰੀਬ 50 ਸਾਲ ਪੁੱਤਰ ਜ਼ਮੀਲ ਖ਼ਾਨ ਵਾਸੀ ਰੂੜੇਕੇ ਕਲਾਂ ਪਿੰਡ ਦੇ ਕਿਸਾਨ ਨਾਲ ਨੌਕਰੀ ਕਰਦਾ ਸੀ। ਉਸ ਦਾ ਪਿਤਾ ਅੱਜ ਸਵੇਰੇ ਕਿਸਾਨ ਦੇ ਖੇਤ ਗਿਆ ਸੀ। ਜਦੋ ਉਸ ਦਾ ਪਿਤਾ ਕਿਸਾਨ ਦੇ ਖੇਤ ਲੱਗੀ ਮੋਟਰ ਚਲਾਉਣ ਲੱਗਿਆ ਤਾਂ ਮੋਟਰ ਸਟਾਟਰ ਵਿਚ ਕਰੰਟ ਆਉਣ ਕਰਕੇ ਉਸਦੇ ਪਿਤਾ ਦੀ ਮੌਕੇ 'ਤੇ ਹੀ ਖੇਤ ਮੌਤ ਹੋ ਗਈ।