ਬਠਿੰਡਾ, 21 ਜੂਨ (ਅੰਮ੍ਰਿਤਪਾਲ ਸਿੰਘ ਵਲਾਣ)- ਬਠਿੰਡਾ ਦੀ ਮਾਨਸਾ ਰੋਡ ਸਥਿਤ ਸਰਕਾਰੀ ਆਈ.ਟੀ.ਆਈ. ਕੋਲੋਂ ਲੰਘਦੇ ਰਜਬਾਹੇ ਵਿਚ ਅੱਜ ਅਚਾਨਕ ਪਾੜ ਪੈ ਗਿਆ। ਜਿਸ ਕਾਰਨ ਵੱਡੀ ਮਾਤਰਾ ਵਿਚ ਪਾਣੀ ਆਸ-ਪਾਸ ਦੇ ਖੇਤਰਾਂ ਵਲ ਵਗਣਾ ਸ਼ੁਰੂ ਹੋ ਗਿਆ।
ਹਾਲਾਂਕਿ ਪਾੜ ਪੈਣ ਦੇ ਕਾਫ਼ੀ ਸਮੇਂ ਬਾਅਦ ਸਬੰਧਤ ਵਿਭਾਗ ਦੇ ਅਧਿਕਾਰੀ ਅਤੇ ਕਰਮਚਾਰੀ ਮੌਕੇ 'ਤੇ ਪਹੁੰਚੇ ਪਰ ਉਦੋਂ ਤੱਕ ਰਜਬਾਹੇ ਵਿਚ ਕਰੀਬ 40 ਫੁੱਟ ਚੌੜਾ ਪਾੜ ਪੈ ਚੁੱਕਿਆ ਸੀ ਅਤੇ ਪਾਣੀ ਕੈਂਟ ਰਿੰਗ ਰੋਡ ਅੰਡਰਬ੍ਰਿਜ ਵਿਚ ਭਰਨਾ ਸ਼ੁਰੂ ਹੋ ਚੁੱਕਿਆ ਸੀ।
