ਰਾਜੌਰੀ ਹੜ੍ਹ - ਲਗਭਗ 200 ਤੋਂ 250 ਕਾਰਾਂ ਲਾਪਤਾ , ਬੱਸ ਸਟੈਂਡ ਦਾ ਨਹੀਂ ਬਚਿਆ ਕੋਈ ਨਿਸ਼ਾਨ

ਰਾਜੌਰੀ (ਜੰਮੂ ਕਸ਼ਮੀਰ), 19 ਜੁਲਾਈ – ਲਗਾਤਾਰ ਹੋ ਰਹੀ ਭਾਰੀ ਬਾਰਿਸ਼ ਕਾਰਨ ਰਾਜੌਰੀ ਜ਼ਿਲ੍ਹੇ ਵਿਚ ਹੜ੍ਹ ਵਰਗੀ ਸਥਿਤੀ ਪੈਦਾ ਹੋ ਗਈ ਹੈ। ਕਈ ਨੀਵੇਂ ਇਲਾਕਿਆਂ ਵਿੱਚ ਪਾਣੀ ਭਰ ਗਿਆ ਹੈ, ਜਿਸ ਕਾਰਨ ਆਮ ਜਨਜੀਵਨ ਪ੍ਰਭਾਵਿਤ ਹੋ ਰਿਹਾ ਹੈ ਅਤੇ ਨਿਵਾਸੀਆਂ ਵਿਚ ਚਿੰਤਾਵਾਂ ਪੈਦਾ ਹੋ ਰਹੀਆਂ ਹਨ। ਇਕ ਸਥਾਨਕ ਨਿਵਾਸੀ ਨੇ ਕਿਹਾ, "ਸਭ ਕੁਝ ਗੁਆਚ ਗਿਆ ਹੈ; ਸਭ ਕੁਝ ਖ਼ਤਮ ਹੋ ਗਿਆ ਹੈ। ਸਾਡੇ ਕੋਲ ਜੋ ਕੁਝ ਸੀ ਉਹ ਵਹਿ ਗਿਆ ਹੈ... ਇਕ ਔਰਤ ਲਾਪਤਾ ਹੈ..."।
ਇਕ ਹੋਰ ਸਥਾਨਕ ਨਿਵਾਸੀ ਨੇ ਕਿਹਾ, "ਕਾਫ਼ੀ ਨੁਕਸਾਨ ਹੋਇਆ ਹੈ—ਲਗਭਗ 200 ਤੋਂ 250 ਕਾਰਾਂ ਲਾਪਤਾ ਹਨ। ਇਹ ਸਵੇਰੇ 3 ਵਜੇ ਦੇ ਕਰੀਬ ਵਾਪਰਿਆ... ਬੱਸ ਸਟੈਂਡ ਦਾ ਕੋਈ ਨਿਸ਼ਾਨ ਨਹੀਂ ਬਚਿਆ..."।