ਸੀ.ਟੀ.ਯੂ. ਦੀ ਬੱਸ ਹੈਂਡਲ ਲਾਕ ਹੋਣ ਕਾਰਨ ਕੈਂਟਰ ਨਾਲ ਟਕਰਾਈ, 3 ਸਵਾਰੀਆਂ ਜ਼ਖਮੀ

ਜ਼ੀਰਕਪੁਰ (ਮੁਹਾਲੀ), 19 ਜੁਲਾਈ (ਮਨਿੰਦਰ ਸਿੰਘ) - ਅੱਜਸਵੇਰੇ ਚੰਡੀਗੜ੍ਹ ਤੋਂ ਨੈਨੀਤਾਲ ਜਾ ਰਹੀ ਸੀ.ਟੀ.ਯੂ. ਦੀ ਬੱਸ ਚੰਡੀਗੜ੍ਹ-ਅੰਬਾਲਾ ਰੋਡ 'ਤੇ ਹੋਟਲ ਮੈਰੀਲੈਂਡ ਦੇ ਨੇੜੇ ਹੈਂਡਲ ਲਾਕ ਹੋਣ ਕਾਰਨ ਕੈਂਟਰ ਨਾਲ ਟਕਰਾ ਗਈ। ਇਸ ਹਾਦਸੇ ਵਿਚ ਤਿੰਨ ਸਵਾਰੀਆਂ ਜ਼ਖਮੀ ਹੋ ਗਈਆਂ, ਜਿਨ੍ਹਾਂ ਨੂੰ ਇਲਾਜ ਲਈ ਹਸਪਤਾਲ ਪਹੁੰਚਾਇਆ ਗਿਆ। ਹਾਦਸੇ ਤੋਂ ਬਾਅਦ ਚੰਡੀਗੜ੍ਹ-ਅੰਬਾਲਾ ਰੋਡ 'ਤੇ ਭਾਰੀ ਜਾਮ ਲੱਗ ਗਿਆ। ਸੂਚਨਾ ਮਿਲਣ 'ਤੇ ਐਸ.ਐਸ.ਐਫ. ਦੀ ਟੀਮ ਤੇ ਪੁਲਿਸ ਮੌਕੇ 'ਤੇ ਪਹੁੰਚੀ ਅਤੇ ਦੋਵੇਂ ਵਾਹਨਾਂ ਨੂੰ ਸਾਈਡ ਕਰ ਕੇ ਜਾਮ ਨੂੰ ਖੁਲਵਾਇਆ।