ਆਈਡੀਬੀਆਈ ਬੈਂਕ ਵਿਚ ਲੱਗੀ ਅਚਾਨਕ ਅੱਗ

ਕਪੂਰਥਲਾ, 29 ਅਗਸਤ (ਅਮਨਜੋਤ ਸਿੰਘ ਵਾਲੀਆ) - ਸ਼ਨੀਵਾਰ ਸਵੇਰੇ ਚਾਰ ਬੱਤੀ ਚੌਕ ਨੇੜੇ ਰੇਲਵੇ ਰੋਡ 'ਤੇ ਸਥਿਤ ਆਈਡੀਬੀਆਈ ਬੈਂਕ ਵਿਚ ਅਚਾਨਕ ਸ਼ਾਰਟ ਸਰਕਟ ਹੋਣ ਕਾਰਨ ਅੱਗ ਲੱਗ ਗਈ, ਜਿਸ ਨਾਲ ਸਾਇਰਨ ਵੱਜਣ 'ਤੇ ਸਿਕਿਉਰਟੀ ਗਾਰਡ ਨੇ ਮੈਨੇਜਰ ਨੂੰ ਸੂਚਿਤ ਕੀਤਾ ਅਤੇ ਫਾਇਰਬ੍ਰਿਗੇਡ ਨੂੰ ਸੂਚਿਤ ਕੀਤਾ ਗਿਆ। ਫਾਇਰਬ੍ਰਿਗੇਡ ਤੁਰੰਤ ਮੌਕੇ ਤੇ ਪਹੁੰਚੀ ਅਤੇ ਅੱਗ ਤੇ ਕਾਬੂ ਪਾਇਆ। ਬੈਂਕ ਮੈਨੇਜਰ ਨੇ ਦੱਸਿਆ ਕਿ ਅੱਗ ਲੱਗਣ ਨਾਲ ਫਰਨੀਚਰ, ਸਟੇਸ਼ਨਰੀ, ਕੰਪਿਊਟਰ, ਫੋਟੋ ਸਟੇਟ ਮਸ਼ੀਨਾਂ ਆਦਿ ਦਾ ਨੁਕਸਾਨ ਹੋਇਆ ਹੈ ਜਿਸ ਦਾ ਐਸਟੀਮੇਟ ਲਗਾਉਣਾ ਬਾਕੀ ਹੈ। ਕੈਸ਼ ਦੇ ਸਟਰੋਂਗ ਰੂਮ ਸੁਰੱਖਿਤ ਹਨ।