ਚੰਡੀਗੜ੍ਹ, 9 ਸਤੰਬਰ- ਕੇ.ਏ.ਪੀ. ਸਿਨਾਹ, ਮੁੱਖ ਸਕੱਤਰ ਪੰਜਾਬ ਨਾਲ ਸਕੱਤਰੇਤ ਦੀਆਂ ਮੁਲਾਜ਼ਮ ਜਥੇਬੰਦੀਆਂ ਦੀ ਮੀਟਿੰਗ ਸੁਹਾਵੇ ਮਹੌਲ ਵਿਚ ਹੋਈ, ਜਿਸ ਬਾਰੇ ਥੋੜ੍ਹੀ ਦੇਰ ਵਿਚ ਸਕੱਤਰੇਤ ਦੀ ਸ਼ਾਂਤਮਈ ਹੜਤਾਲ ਵਿਚ ਅਨਾਊਂਸਮੈਂਟ ਹੋਣ ਜਾ ਰਹੀ ਹੈ।
ਅੱਜ ਦੀ ਇਸ ਮੀਟਿੰਗ ਵਿੱਚ ਸਕੱਤਰੇਤ ਦੇ ਮੁਲਾਜ਼ਮ ਆਗੂਆਂ ਵਿਚ ਸ਼ਾਮ ਲਾਲ ਸ਼ਰਮਾ, ਮਨਜੀਤ ਸਿੰਘ ਰੰਧਾਵਾ, ਮਲਕੀਤ ਸਿੰਘ ਔਜਲਾ, ਅਲਕਾ ਚੋਪੜਾ, ਸਾਹਿਲ ਸ਼ਰਮਾ, ਮਿਥੁਨ ਚਾਵਲਾ, ਸਿਕੰਦਰ ਸਿੰਘ, ਸੰਦੀਪ, ਬਲਰਾਜ ਸਿੰਘ ਦਾਊਂ, ਬਜਰੰਗ ਯਾਦਵ ਅਤੇ ਕਈ ਹੋਰ ਮੁਲਾਜ਼ਮ ਆਗੂ ਸ਼ਾਮਿਲ ਹੋਏ।
ਇਸ ਸਮੇਂ ਤੱਕ ਮੁਲਾਜ਼ਮ ਸਕੱਤਰੇਤ ਵਿਖੇ ਰੈਲੀ ਵਾਲੀ ਥਾਂ ’ਤੇ ਹੀ ਬੈਠੇ ਹਨ, ਇਸ ਸਮੇਂ ਸਕਤਰੇਤ ਯੂਨੀਅਨ ਦੇ ਪ੍ਰਮੁੱਖ ਆਗੂ ਸੁਖਚੈਨ ਸਿੰਘ ਖਹਿਰਾ ਮੁਲਾਜ਼ਮਾਂ ਨੂੰ ਸੰਬੋਧਨ ਹੋ ਰਹੇ ਹਨ। ਮੁਲਾਜ਼ਮ ਸ਼ਾਂਤਮਈ ਬੈਠੇ ਹਨ ਜੋ ਪਹਿਲਾਂ ਨਾਆਰੇਬਾਜ਼ੀ ਕਰਦੇ ਸਨ ਉਸ ਨੂੰ ਬੰਦ ਕਰ ਦਿੱਤਾ ਗਿਆ ਹੈ।
