ਨਸ਼ਿਆਂ ਦੇ ਖਾਤਮੇ ਲਈ ਲੋਕ ਜਾਗਰੂਕ ਰੈਲੀ ਦਾ ਆਗਾਜ਼

ਮਾਛੀਵਾੜਾ ਸਾਹਿਬ (ਲੁਧਿਆਣਾ), 27 ਅਕਤੂਬਰ (ਮਨੋਜ ਕੁਮਾਰ) - ਪੰਜਾਬ ਵਿਚ ਦਿਨੋ ਦਿਨ ਲਗਾਤਾਰ ਨਸ਼ਿਆਂ ਦੇ ਵੱਧ ਰਹੇ ਦਰਿਆ ਨੂੰ ਰੋਕਣ ਲਈ ਸਥਾਨਕ ਨਿੱਜੀ ਸਕੂਲ ਦੀਆਂ ਵਿਦਿਆਰਥਣਾਂ ਨੇ ਇਕ ਲੋਕ ਜਾਗਰੂਕ ਰੈਲੀ ਦਾ ਆਗਾਜ਼ ਕੀਤਾ ਜਿਹੜੀ ਕਿ ਸ਼ਹਿਰ ਦੇ ਵੱਖ ਵੱਖ ਹਿੱਸਿਆਂ ਵਿੱਚੋਂ ਗੁਜ਼ਰੇਗੀ। ਇਸ ਰੈਲੀ ਨੂੰ ਫਲੈਗ ਮਾਰਚ ਦਿਖਾਉਣ ਦੀ ਰਸਮ ਐੱਸ.ਪੀ.ਡੀ. ਹਰਪਿੰਦਰ ਕੋਰ ਨੇ ਅਦਾ ਕੀਤੀ। ਆਪਣੇ ਸੰਬੋਧਨ ਵਿਚ ਉਨ੍ਹਾਂ ਬੱਚਿਆਂ ਨੂੰ ਬੇਝਿਜਕ ਇਸ ਦਲਦਲ ਦੇ ਨਜ਼ਰ ਆਉਣ 'ਤੇ ਆਪਣੇ ਮਾਪਿਆ ਤੇ ਅਧਿਆਪਕਾਂ ਨੂੰ ਦੱਸਣ ਦੀ ਗੱਲ ਕਹੀ ਤੇ ਆਪਣੇ ਭਵਿੱਖ 'ਤੇ ਕੇਂਦਰਤ ਰਹਿਣ ਲਈ ਕਿਹਾ।