ਚੰਡੀਗੜ੍ਹ, 13 ਨਵੰਬਰ- ਪੰਜਾਬ ਦੇ ਸਾਬਕਾ ਮੁੱਖ ਮੰਤਰੀ ਚਰਨਜੀਤ ਸਿੰਘ ਚੰਨੀ ਦੀ ‘ਜਵਾਨੀ ਸੰਭਾਲ’ ਸਾਈਕਲ ਯਾਤਰਾ ਅੱਜ ਪੂਰਾ ਦਿਨ ਲੁਧਿਆਣਾ ਵਿਚ ਰਹੇਗੀ। ਯਾਤਰਾ ਸਵੇਰੇ ਸਮਰਾਲਾ ਤੋਂ ਰਵਾਨਾ ਹੋਵੇਗੀ, ਸਾਹਨੇਵਾਲ ਹਲਕੇ ਵਿਚੋਂ ਲੰਘੇਗੀ ਅਤੇ ਸ਼ਹਿਰ ਵਿਚ ਦਾਖਲ ਹੋਣ ਤੋਂ ਪਹਿਲਾਂ ਜਮਾਲਪੁਰ ਪਹੁੰਚੇਗੀ।
ਸ਼ਡਿਊਲ ਅਨੁਸਾਰ ਚੰਨੀ ਦੀ "ਜਵਾਨੀ ਸੰਭਾਲ" ਸਾਈਕਲ ਯਾਤਰਾ ਸ਼ਹਿਰ ਦੇ ਸੱਤ ਵਿਧਾਨ ਸਭਾ ਹਲਕਿਆਂ ਵਿਚੋਂ ਲੰਘੇਗੀ। ਯਾਤਰਾ ਵਿਚ ਹਿੱਸਾ ਲੈਣ ਵਾਲੇ ਸਾਈਕਲ ਸਵਾਰ ਹਾਰਡੀ ਦੇ ਵਾਰਡ ਵਿਚ ਰਾਤ ਠਹਿਰਨਗੇ ਅਤੇ ਅਗਲੇ ਦਿਨ ਉੱਥੋਂ ਫਿਲੌਰ ਰਾਹੀਂ ਨੂਰਮਹਿਲ ਵੱਲ ਰਵਾਨਾ ਹੋਣਗੇ।
