ਘੁੰਮਣਾਂ, 20 ਸਤੰਬਰ (ਮਹਿੰਦਰ ਪਾਲ ਸਿੰਘ)-ਕਿਸਾਨ ਹਮੇਸ਼ਾ ਕੁਦਰਤੀ ਆਫਤਾਂ, ਕਦੇ ਫ਼ਸਲ ਨੂੰ ਲੱਗਣ ਵਾਲੀਆਂ ਬਿਮਾਰੀਆਂ ਤੇ ਮੰਡੀਕਰਨ ਆਦਿ ਮੁਸੀਬਤਾਂ ਨਾਲ ਘਿਰਿਆ ਰਹਿੰਦਾ ਹੈ | ਪਹਿਲਾਂ ਭਾਰੀ ਬਰਸਾਤ ਤੇ ਹੜ੍ਹਾਂ ਨੇ ਫ਼ਸਲਾਂ ਖਰਾਬ ਕਰ ਦਿੱਤੀਆਂ ਹੁਣ ਝੋਨੇ ਦੀ ਫ਼ਸਲ 'ਤੇ ਪੀਲੀ ਕੁੰਗੀ ਨੇ ਜ਼ੋਰਦਾਰ ਹਮਲਾ ਕੀਤਾ, ਜਿਸ ਨਾਲ ਝੋਨੇ ਦੇ ਝਾੜ ਤੇ ਕੁਆਲਿਟੀ 'ਚ ਫਰਕ ਆ ਸਕਦਾ ਹੈ | ਕਿਸਾਨ ਜੱਗਾ ਪਹਿਲਵਾਨ, ਅਮਰੀਕ ਸਿੰਘ, ਸੋਡੀ ਸਿੰਘ, ਸਤਨਾਮ ਸਿੰਘ ਨੇ ਸਰਕਾਰ ਤੋਂ ਇਹ ਮੰਗ ਕੀਤੀ ਹੈ ਇਨ੍ਹਾਂ ਸਾਰੀਆਂ ਸਮੱਸਿਆਵਾਂ ਨੂੰ ਦੇਖਦੇ ਹੋਏ ਕਿਸਾਨਾਂ ਨੂੰ ਕੁੱਝ ਨਮੀ ਤੇ ਝੋਨੇ ਦੇ ਖਰਾਬ ਰੰਗ ਤੋਂ ਛੋਟ ਮਿਲੇ |
