ਚੰਡੀਗੜ੍ਹ / ਸਾਹਿਬਜ਼ਾਦਾ ਅਜੀਤ ਸਿੰਘ ਨਗਰ

ਪੰਜਾਬ ਯੂਨੀਵਰਸਿਟੀ ਚੋਣਾਂ 'ਚ 2 ਜਥੇਬੰਦੀਆਂ ਨੇ ਕੀਤਾ ਸਮਝੌਤਾ <br/>

ਪੰਜਾਬ ਯੂਨੀਵਰਸਿਟੀ ਵਿਖੇ ਵਿਦਿਆਰਥੀ ਚੋਣਾਂ ਖ਼ਾਤਰ ਸੋਪੂ ਦੇ ਪ੍ਰਧਾਨਗੀ ਅਹੁਦੇਦਾਰ ਅਰਦਾਸ ਕੌਰ ਲਈ ਦੋਵਾਂ ਪਾਰਟੀਆਂ ਦੇ ਸਮਰਥਨ 'ਚ ਖ਼ੁਸ਼ੀ ਪ੍ਰਗਟ ਕਰਦੇ ਹੋਏ ਸਮਰਥਕ | (ਸੱਜੇ) ਪੰਜਾਬ ਯੂਨੀਵਰਸਿਟੀ ਕੈਂਪਸ ਵਿਖੇ ਏ.ਬੀ.ਵੀ.ਪੀ ਦੇ ਵਰਕਰ ਵੋਟਾਂ ਲਈ ਚੋਣ ਪ੍ਰਚਾਰ ਕਰਦੇ ਹੋਏ | <br/> 31-08-2025

ਚੰਡੀਗੜ੍ਹ, 30 ਅਗਸਤ (ਮਾਰਕੰਡਾ)- ਪੰਜਾਬ ਯੂਨੀਵਰਸਿਟੀ ਚੰਡੀਗੜ੍ਹ ਦੀਆਂ ਵਿਦਿਆਰਥੀ ਕੌਂਸਲ ਚੋਣਾਂ 3 ਤਾਰੀਖ਼ ਨੂੰ ਹੋਣ ਜਾ ਰਹੀਆਂ ਹਨ | ਇਸੇ ਦੌਰਾਨ ਅੱਜ ਸਟੂਡੈਂਟ ਆਰਗਨਾਈਜ਼ੇਸ਼ਨ ਆਫ਼ ਪੰਜਾਬ ਯੂਨੀਵਰਸਿਟੀ (ਐਸ.ਓ.ਪੀ.ਯੂ) ਅਤੇ ਹਿੰਦੁਸਤਾਨ ਸਟੂਡੈਂਟ ਆਰਗੇਨਾਈਜ਼ੇਸ਼ਨ (ਐਚ.ਐਸ.ਏ) ਨਾਲ ਇਕ ਸਾਂਝਾ ਗੱਠਜੋੜ ਕੀਤਾ ਹੈ | ਜਿਸ ਮੁਤਾਬਿਕ ਐਚ.ਐਸ.ਏ ਦੇ ਵਰਕਰ ਐਸ.ਓ.ਪੀ.ਯੂ ਦੇ ਪ੍ਰਧਾਨਗੀ ਅਹੁਦੇਦਾਰ ਅਰਦਾਸ ਕੌਰ ਨੂੰ ਵੋਟ ਅਤੇ ਸਮਰਥਨ ਕਰਨਗੇ | ਇਸੇ ਉਪਰੰਤ ਐਸ.ਓ.ਪੀ.ਯੂ ਦੇ ਵਰਕਰ ਐਚ.ਐਸ.ਏ ਦੇ ਜਨਰਲ ਸਕੱਤਰ ਦੇ ਅਹੁਦੇਦਾਰ ਸਾਹਿਲ ਨੂੰ ਵੋਟ ਅਤੇ ਸਪੋਟ ਕਰਨਗੇ | ਇਸ ਗੱਠਜੋੜ ਨਾਲ ਦੋਵੇਂ ਸੰਗਠਨ ਨੂੰ ਇਕ ਮਜ਼ਬੂਤ ਪੈਨਲ ਤਿਆਰ ਹੋ ਗਿਆ ਹੈ | ਜੋ ਵਿਦਿਆਰਥੀਆਂ ਦੇ ਹੱਕਾਂ ਅਤੇ ਸੁਵਿਧਾਵਾਂ ਲਈ ਇਕੱਠੇ ਆਵਾਜ਼ ਬੁਲੰਦ ਕਰਨਗੇ | ਐਸ.ਓ.ਪੀ.ਯੂ ਅਤੇ ਐਚ.ਐਸ.ਏ ਦੇ ਆਗੂਆਂ ਨੇ ਸਾਂਝੇ ਬਿਆਨ ਵਿਚ ਕਿਹਾ ਹੈ ਕਿ ਇਹ ਗੱਠਜੋੜ ਕੇਵਲ ਚੋਣੀ ਗੱਠਜੋੜ ਨਹੀਂ, ਸਗੋਂ ਵਿਦਿਆਰਥੀ ਏਕਤਾ ਦੀ ਨਵੀਂ ਸ਼ੁਰੂਆਤ ਹੈ | ਉਨ੍ਹਾਂ ਨੇ ਕਿਹਾ ਕਿ ਦੋਵੇਂ ਸੰਗਠਨ ਮਿਲ ਕੇ ਯੂਨੀਵਰਸਿਟੀ ਵਿਚਕਾਰ ਵਿਦਿਆਰਥੀਆਂ ਦੀਆਂ ਸਮੱਸਿਆਵਾਂ ਦਾ ਹੱਲ, ਲੋਕਤੰਤਰਿਕ ਮੁੱਲਾਂ ਦੀ ਰੱਖਿਆ ਅਤੇ ਵਿਦਿਆਰਥੀ ਹੱਕਾਂ ਨੂੰ ਅੱਗੇ ਲਿਜਾਉਣ ਲਈ ਕੰਮ ਕਰਨਗੇ | ਸਟੂਡੈਂਟ ਆਰਗਨਾਈਜ਼ੇਸ਼ਨ ਆਫ਼ ਪੰਜਾਬ ਯੂਨੀਵਰਸਿਟੀ (ਐਸ.ਓ.ਪੀ.ਯੂ) ਨੇ ਪਿਛਲੇ ਕਈ ਸਾਲਾ ਤੋਂ ਪ੍ਰਧਾਨਗੀ ਸੀਟ ਲਈ ਕੋਈ ਵੀ ਉਮੀਦਵਾਰ ਮੈਦਾਨ ਵਿਚ ਨਹੀਂ ਉਤਾਰਿਆਂ ਸੀ | ਇਸ ਵਾਰ ਐਸ.ਓ.ਪੀ.ਯੂ ਨੇ ਅਰਦਾਸ ਕੌਰ ਨੂੰ ਪ੍ਰਧਾਨਗੀ ਉਮੀਦਵਾਰ ਵਜੋਂ ਮੈਦਾਨ ਵਿਚ ਉਤਾਰ ਦਿੱਤਾ ਹੈ | ਅਰਦਾਸ ਕੌਰ ਨੂੰ ਵਿਦਿਆਰਥੀਆਂ ਵਲੋਂ ਬੇਮਿਸਾਲ ਸਮਰਥਨ ਮਿਲ ਰਿਹਾ ਹੈ ਅਤੇ ਕੈਂਪਸ ਵਿਚਕਾਰ ਉਨ੍ਹਾਂ ਦੇ ਹੱਕ ਵਿਚ ਵੱਡਾ ਜੋਸ਼ ਦਿਖਾਈ ਦਿੱਤਾ | ਇਸੇ ਉਪਰੰਤ ਏ.ਬੀ.ਵੀ.ਪੀ, ਐਸ.ਓ.ਆਈ ਦੇ ਵਰਕਰਾਂ ਨੇ ਪੰਜਾਬ ਯੂਨੀਵਰਸਿਟੀ ਦੇ ਕੈਂਪਸ ਵਿਖੇ ਵੱਧ ਚੜ ਕੇ ਚੋਣ ਪ੍ਰਚਾਰ ਕੀਤਾ ਗਿਆ |

ਪਿਛਲੀ ਖ਼ਬਰ ਜਿਊਲਰ ਹਮਲੇ ਪਿੱਛੇ ਗੈਂਗਸਟਰ ਲਖਬੀਰ ਲੰਡਾ ਦਾ ਹੱਥ, ਮੁੱਖ ਸ਼ੂਟਰ ਗਿ੍ਫ਼ਤਾਰ ਅਗਲੀ ਖ਼ਬਰ ਜ਼ਿਲ੍ਹਾ ਅਤੇ ਸੈਸ਼ਨ ਕੋਰਟ ਚੰਡੀਗੜ੍ਹ 'ਚ ਲਗਾਤਾਰ 13 ਦਿਨਾਂ ਲਈ ਲੋਕ ਅਦਾਲਤ ਜਾਰੀ

Subscribers Only Story

ਇਸ ਖ਼ਬਰ ਨੂੰ ਪੂਰਾ ਪੜ੍ਹਨ ਲਈ ਸਬਸਕ੍ਰਾਈਬਰ ਲਾਗਇਨ ਕਰੋ।

ਪੰਜਾਬ ਯੂਨੀਵਰਸਿਟੀ ਚੋਣਾਂ 'ਚ 2 ਜਥੇਬੰਦੀਆਂ ਨੇ ਕੀਤਾ ਸਮਝੌਤਾ <br/>

Subscribers Only Story

ਸੰਬੰਧਿਤ ਖ਼ਬਰਾਂ