18-11-2026
ਅੱਖਰ:
ਵਿਚਾਰ ਪ੍ਰਵਾਹ
ਪ੍ਰਕਾਸ਼ਿਤ: 31-08-2025

ਮੋਬਾਈਲ ਫ਼ੋਨ ਲੈ ਕੇ ਭਾਵੁਕ ਹੋਏ ਮਾਲਕ <br/>

ਅਜੀਤ ਡੈਸਕ 31-08-2025
ਸਮਾਗਮ ਦੌਰਾਨ ਬਰਾਮਦ ਕੀਤੇ ਮੋਬਾਈਲ ਫ਼ੋਨਾਂ ਨੂੰ ਲੈਣ ਉਪਰੰਤ ਮਾਲਕਾਂ ਨੇ ਮੋਬਾਈਲਾਂ ਨਾਲ ਆਪਣੇ ਜੁੜੇ ਰਿਸ਼ਤੇ ਬਾਰੇ ਜਦੋਂ ਹਾਜ਼ਰ ਲੋਕਾਂ 'ਚ ਆਪਣੇ ਵਿਚਾਰ ਸਾਂਝੇ ਕੀਤੇ ਤਾਂ ਇਕ ਵਾਰ ਸਮਾਗਮ ਉਨ੍ਹਾਂ ਦੇ ਵਿਚਾਰ ਸੁਣ ਕੇ ਵੀ ਭਾਵੁਕ ਹੋ ਗਿਆ | ਸਪੈਸ਼ਲ ਓਲੰਪਿਕਸ ਹਰਜੀਤ ਸਿੰਘ ਦੇ ਭਰਾ ਹਰਪ੍ਰੀਤ ਸਿੰਘ ਨੇ ਅੱਖਾਂ 'ਚ ਹੰਝੂ ਲਿਆ ਕੇ ਦੱਸਿਆ ਕਿ ਉਸ ਦਾ ਭਰਾ ਸਪੈਸ਼ਲ ਓਲੰਪਿਕਸ ਦਾ ਗੋਲਡ ਮੈਡਲਿਸਟ ਹੈ, ਟਰਾਇਲ ਦੌਰਾਨ ਆਪਣਾ ਮੋਬਾਈਲ ਗੁਆ ਬੈਠਾ ਸੀ | ਜਦੋਂ ਉਹ ਵਾਪਸ ਮਿਲਿਆ ਤਾਂ ਉਸ ਨੂੰ ਆਪਣੀ ਸਲੈਕਸ਼ਨ ਦੀ ਖ਼ਬਰ ਵੀ ਮਿਲ ਗਈ, ਜਿਸ ਨਾਲ ਉਸ ਨੂੰ ਮੁੜ ਤੋਂ ਜਿੱਤ ਦਿਖਾਈ ਦਿੱਤੀ | ਇਹ ਮੋਬਾਈਲ ਮੇਰੇ ਪਰਿਵਾਰ ਵਲੋਂ ਮਿਲਿਆ ਕੀਮਤੀ ਤੋਹਫ਼ਾ ਸੀ | ਵਾਪਸ ਮਿਲਣ 'ਤੇ ਅੱਖਾਂ 'ਚ ਹੰਝੂ ਆਪ ਹੀ ਆ ਗਏ | ਇਸ ਮੌਕੇ ਅਮਨਦੀਪ ਕੌਰ ਵਿਦਿਆਰਥਣ ਨੇ ਦੱਸਿਆ ਕਿ ਉਸ ਨੂੰ ਵਿਸ਼ਵਾਸ ਨਹੀਂ ਸੀ ਕਿ ਉਸਦਾ ਮੋਬਾਈਲ 15 ਦਿਨਾਂ ਵਿਚ ਵਾਪਸ ਆ ਜਾਵੇਗਾ ਪਰ ਫ਼ਰੀਦਕੋਟ ਪੁਲਿਸ ਨੇ ਅਸੰਭਵ ਨੂੰ ਸੰਭਵ ਕਰ ਦਿੱਤਾ | ਨਵਨੀਤ ਕੌਰ ਨੇ ਦੱਸਿਆ ਕਿ ਉਸ ਨੇ ਆਪਣਾ ਮੋਬਾਈਲ ਆਪਣੀ ਮਿਹਨਤ ਦੀ ਕਮਾਈ ਨਾਲ ਖਰੀਦਿਆ ਸੀ, ਜਦ ਮੁੜ ਮਿਲਿਆ ਤਾਂ ਖੁਸ਼ੀ ਦਾ ਠਿਕਾਣਾ ਨਹੀਂ ਸੀ | ਨਿਰਮਲ ਸਿੰਘ ਵਾਸੀ ਪਿੰਡ ਗੁਰੂ ਕੀ ਢਾਬ ਨੇ ਕਿਹਾ ਕਿ ਮੇਰੇ ਸਾਰੇ ਗਾਹਕਾਂ ਦੇ ਨੰਬਰ, ਮਾਪ ਤੇ ਕੰਮ ਦੇ ਰਿਕਾਰਡ ਮੋਬਾਈਲ 'ਚ ਸਨ | ਫ਼ੋਨ ਮਿਲਣ ਨਾਲ ਮੇਰੀ ਦੁਕਾਨ ਦਾ ਕੰਮ ਮੁੜ ਚੱਲ ਪਿਆ ਹੈ |

ਪਿਛਲੀ ਖ਼ਬਰ ਫ਼ਰੀਦਕੋਟ ਪੁਲਿਸ ਨੇ 30 ਲੱਖ ਰੁਪਏ ਦੀ ਲਾਗਤ ਦੇ 125 ਗੁੰਮ ਮੋਬਾਈਲ ਅਸਲ ਮਾਲਕਾਂ ਨੂੰ ਸੌਂਪੇ ਅਗਲੀ ਖ਼ਬਰ ਵਿਧਵਾ ਲੜਕੀ ਨੂੰ ਇਨਸਾਫ਼ ਦਿਵਾਉਣ ਲਈ ਕਿਸਾਨ ਜਥੇਬੰਦੀਆਂ ਵਲੋਂ ਥਾਣਾ ਸਦਰ ਕੋਟਕਪੂਰਾ ਅੱਗੇ ਰੋਸ ਧਰਨਾ

Subscribers Only Story

ਇਸ ਖ਼ਬਰ ਨੂੰ ਪੂਰਾ ਪੜ੍ਹਨ ਲਈ ਸਬਸਕ੍ਰਾਈਬਰ ਲਾਗਇਨ ਕਰੋ।