ਮੋਗਾ, 30 ਅਗਸਤ (ਸੁਰਿੰਦਰਪਾਲ ਸਿੰਘ)-ਉਜਾਲਾ ਜਾਗਰਣ ਕਲੱਬ ਲੰਢੇਕੇ ਵਲੋਂ ਪਹਿਲਾ ਵਿਸ਼ਾਲ ਭਗਵਤੀ ਜਗਰਾਤਾ 6 ਸਤੰਬਰ ਨੂੰ ਮੰਦਰ ਦੇ ਨੇੜੇ ਗਲੀ ਨੰਬਰ ਤਿੰਨ ਪਿੰਡ ਲੰਢੇਕੇ ਵਿਖੇ ਕਰਵਾਇਆ ਜਾ ਰਿਹਾ ਹੈ | ਇਸ ਮੌਕੇ ਅਜਮੇਰ ਸਿੰਘ ਪ੍ਰਧਾਨ, ਰਮਨਦੀਪ ਸਿੰਘ ਲੰਢੇਕੇ ਤੇ ਮਨਪ੍ਰੀਤ ਸਿੰਘ ਲੰਢੇਕੇ ਨੇ ਦੱਸਿਆ ਕਿ ਅੱਜ ਜਗਰਾਤੇ ਦਾ ਸੱਦਾ ਪੱਤਰ ਕਾਂਗਰਸ ਪਾਰਟੀ ਦੀ ਹਲਕਾ ਇੰਚਾਰਜ ਮਾਲਵਿਕਾ ਸੂਦ ਨੂੰ ਦਿੱਤਾ ਗਿਆ | ਉਨ੍ਹਾਂ ਕਿਹਾ ਕਿ ਜਗਰਾਤੇ 'ਚ ਸੁਸ਼ੀਲ ਜੈਦਕਾ ਵਲੋਂ ਮਾਤਾ ਰਾਣੀ ਦੀਆਂ ਭੇਟਾਂ ਗਾ ਕੇ ਮਹਾਮਾਈ ਦਾ ਗੁਣਗਾਨ ਕੀਤਾ ਜਾਵੇਗਾ | ਉਨ੍ਹਾਂ ਕਿਹਾ ਕਿ ਝੰਡਾ ਪੂਜਣ 8 ਵਜੇ ਤੇ ਜਗਰਾਤਾ ਰਾਤ 9 ਵਜੇ ਸ਼ੁਰੂ ਹੋਵੇਗਾ | ਉਨ੍ਹਾਂ ਸਾਰਿਆਂ ਨੂੰ ਅਪੀਲ ਕੀਤੀ ਕਿ ਇਸ ਜਗਰਾਤੇ ਵਿਚ ਪਹੁੰਚ ਕੇ ਮਾਤਾ ਰਾਣੀ ਦਾ ਅਸ਼ੀਰਵਾਦ ਪ੍ਰਾਪਤ ਕਰੋ | ਇਸ ਮੌਕੇ ਬੱਬੂ ਸ਼ਰਮਾ ਕੈਸ਼ੀਅਰ, ਬਿੱਟੂ ਅਟਵਾਲ, ਗੁਰਪ੍ਰੀਤ ਸਿੰਘ, ਅੰਮਿ੍ਤਪਾਲ ਸਿੰਘ, ਸੁਖਦੀਪ ਸਿੰਘ, ਸੰਦੀਪ ਸਿੰਘ, ਰਾਜਪਾਲ ਸਿੰਘ ਤੋਂ ਇਲਾਵਾ ਪੀ. ਏ. ਰਾਜਨ ਬਾਂਸਲ, ਜੋਨੀ ਗੋਇਲ ਗੁੱਲੂ ਆਹਲੂਵਾਲੀਆ ਹਾਜ਼ਰ ਸਨ |