ਮਾਨਸਾ, 30 ਅਗਸਤ (ਵਿ.ਪ੍ਰਤੀ.)- ਸ੍ਰੀ ਸਨਾਤਨ ਧਰਮ ਸਭਾ ਮਾਨਸਾ ਵਲੋਂ ਸ਼ਹਿਰ ਦੀਆਂ ਸਮਾਜ ਸੇਵੀ ਸੰਸਥਾਵਾਂ ਦੇ ਸਹਿਯੋਗ ਨਾਲ ਫ਼ਾਜ਼ਿਲਕਾ ਦੇ ਹੜ੍ਹ ਪੀੜਤ ਲੋਕਾਂ ਲਈ ਇੱਥੋਂ ਸਮਗਰੀ ਭੇਜੀ ਗਈ | ਕਾਲਾ ਰਾਮ ਕਾਂਸਲ ਐਸ.ਡੀ.ਐਮ. ਮਾਨਸਾ, ਰਤਿੰਦਰਪਾਲ ਕੌਰ ਸੈਕਟਰੀ ਰੈੱਡ ਕਰਾਸ ਅਤੇ ਪ੍ਰਧਾਨ ਸਮੀਰ ਛਾਬੜਾ ਨੇ ਝੰਡੀ ਦੇ ਕੇ ਰਵਾਨਾ ਕੀਤਾ | ਉਨ੍ਹਾਂ ਕਿਹਾ ਕਿ ਹਰ ਨਾਗਰਿਕ ਨੂੰ ਹੜ੍ਹ ਪੀੜਤ ਦੀ ਮਦਦ ਲਈ ਅੱਗੇ ਆਉਣਾ ਚਾਹੀਦਾ ਹੈ | ਜਨਰਲ ਸਕੱਤਰ ਰਮੇਸ਼ ਟੋਨੀ ਨੇ ਕਿਹਾ ਕਿ ਲੋੜ ਪੈਣ 'ਤੇ ਇਹ ਕਾਰਜ ਮੁੜ ਕੀਤਾ ਜਾਵੇਗਾ | ਇਸ ਮੌਕੇ ਮੁਨੀਸ਼ ਕੁਮਾਰ ਬੱਬੀ ਦਾਨੇਵਾਲੀਆ, ਰਾਕੇਸ਼ ਬਿੱਟੂ, ਰਾਕੇਸ਼ ਗੁਪਤਾ, ਕਿ੍ਸ਼ਨ ਬਾਂਸਲ, ਰੁਲਦੂ ਰਾਮ ਨੰਦਗੜ੍ਹ, ਸੰਤ ਲਾਲ ਨਾਗਪਾਲ, ਰਾਮ ਚੰਦ ਚੋਰਾਇਆ, ਪਰਮਜੀਤ ਜੋਗਾ, ਐਡਵੋਕੇਟ ਆਰ.ਸੀ. ਗੋਇਲ, ਗੋਰਾ ਨੰਗਲਾ, ਮੁਕੇਸ਼ ਕੁਮਾਰ ਐਡਵੋਕੇਟ, ਸੋਮ ਨਾਥ ਚਕੇਰੀਆਂ, ਅਸ਼ੋਕ ਸਪੋਲੀਆ ਆਦਿ ਹਾਜ਼ਰ ਸਨ |