ਭੀਖੀ, 20 ਸਤੰਬਰ (ਸਹੋਤਾ)- ਸ਼੍ਰੋਮਣੀ ਅਕਾਲੀ ਦਲ ਪਿੰਡ ਜੱਸੜ ਵਾਲਾ, ਮੋਹਰ ਸਿੰਘ ਵਾਲਾ ਅਤੇ ਹੋਡਲਾ ਕਲਾ ਦੇ ਪਾਰਟੀ ਵਰਕਰਾਂ ਵਲੋਂ ਕਣਕ ਇਕੱਤਰ ਕੀਤੀ ਗਈ ਹੈ | ਗੁਰਇਕਬਾਲ ਸਿੰਘ ਬਾਲੀ, ਕੁਲਦੀਪ ਸਿੰਘ ਭੰਗੂ ਅਤੇ ਸੁਖਵਿੰਦਰ ਸਿੰਘ ਪੰਚ ਨੇ ਦੱਸਿਆ ਕਿ ਅਕਾਲੀ ਦਲ ਹਾਈਕਮਾਨ ਦੇ ਆਦੇਸ਼ਾਂ 'ਤੇ ਅਕਾਲੀ ਵਰਕਰਾਂ ਵਲੋਂ ਹੜ੍ਹ ਪੀੜਤਾਂ ਦੀ ਮਦਦ ਲਈ ਆਪਣੇ ਪੱਧਰ 'ਤੇ ਕਣਕ ਦੇ ਉੱਤਮ ਬੀਜ ਇਕੱਤਰ ਕੀਤੇ ਜਾ ਰਹੇ ਤਾਂ ਜੋ ਕਣਕ ਦੀ ਬਿਜਾਈ ਲਈ ਹੜ੍ਹ ਪ੍ਰਭਾਵਿਤ ਖੇਤਰਾਂ ਦੇ ਕਿਸਾਨਾਂ ਨੂੰ ਮੁਹੱਈਆ ਕਰਵਾਏ ਜਾ ਸਕਣ | ਇਸ ਮੌਕੇ ਬੰਤ ਸਿੰਘ ਧਾਲੀਵਾਲ, ਹਰਵੀਰ ਸਿੰਘ, ਜਸਵੀਰ ਸਿੰਘ, ਸਿਕੰਦਰ ਖਾਂ, ਕੇਵਲ ਸਿੰਘ, ਨਿੱਕਾ ਸਿੰਘ, ਜੀਤਾ ਸਿੰਘ, ਬੇਅੰਤ ਸਿੰਘ, ਹਰਪ੍ਰੀਤ ਸਿੰਘ ਆਦਿ ਹਾਜ਼ਰ ਸਨ |