ਸਟਾਲਵਰਟਸ ਵਰਲਡ ਸਕੂਲ ਵਿਖੇ ਸਾਲਾਨਾ ਸੀਨੀਅਰ ਸਮਾਰੋਹ ‘ਮੇਟਾਨੋਆ 9’ ਕਰਵਾਇਆ
ਅੰਮ੍ਰਿਤਸਰ, 29 ਅਕਤੂਬਰ (ਰਾਜੇਸ਼ ਕੁਮਾਰ ਸ਼ਰਮਾ)-ਸਟਾਲਵਰਟਸ ਵਰਲਡ ਸਕੂਲ ਵਿਖੇ 3 ਤੋਂ 6ਵੀਂ ਜਮਾਤਾਂ ਦਾ ਸਾਲਾਨਾ ਫੈਸਟ ‘ਮੇਟਾਨੋਆ 9’ ਉਤਸ਼ਾਹ ਨਾਲ ਕਰਵਾਇਆ ਗਿਆ। ਸਮਾਰੋਹ ਦਾ ਵਿਸ਼ਾ ‘ਸਪੇਸ- ਸੰਭਾਵਨਾਵਾਂ ਦਾ ਅਨੰਤ ਸੰਸਾਰ’ ਸੀ, ਜਿਸ ’ਚ ਵਿਦਿਆਰਥੀਆਂ ਨੇ ਵਿਗਿਆਨ, ਕਲਪਨਾ, ਸੁਤੰਤਰਤਾ, ਅੰਤਰ-ਨਿਰੀਖਣ, ਮਨੁੱਖੀ ਸੰਵੇਦਨਾਵਾਂ ਅਤੇ ਅਸੀਮ ਸੰਭਾਵਨਾਵਾਂ ਦਾ ਸੁੰਦਰ ਸੰਦੇਸ਼ ਪੇਸ਼ ਕੀਤਾ।
ਅੰਮ੍ਰਿਤਸਰ, 29 ਅਕਤੂਬਰ (ਰਾਜੇਸ਼ ਕੁਮਾਰ ਸ਼ਰਮਾ)-ਸਟਾਲਵਰਟਸ ਵਰਲਡ ਸਕੂਲ ਵਿਖੇ 3 ਤੋਂ 6ਵੀਂ ਜਮਾਤਾਂ ਦਾ ਸਾਲਾਨਾ ਫੈਸਟ ‘ਮੇਟਾਨੋਆ 9’ ਉਤਸ਼ਾਹ ਨਾਲ ਕਰਵਾਇਆ ਗਿਆ। ਸਮਾਰੋਹ ਦਾ ਵਿਸ਼ਾ ‘ਸਪੇਸ- ਸੰਭਾਵਨਾਵਾਂ ਦਾ ਅਨੰਤ ਸੰਸਾਰ’ ਸੀ, ਜਿਸ ’ਚ ਵਿਦਿਆਰਥੀਆਂ ਨੇ ਵਿਗਿਆਨ, ਕਲਪਨਾ, ਸੁਤੰਤਰਤਾ, ਅੰਤਰ-ਨਿਰੀਖਣ, ਮਨੁੱਖੀ ਸੰਵੇਦਨਾਵਾਂ ਅਤੇ ਅਸੀਮ ਸੰਭਾਵਨਾਵਾਂ ਦਾ ਸੁੰਦਰ ਸੰਦੇਸ਼ ਪੇਸ਼ ਕੀਤਾ। ਪ੍ਰੋਗਰਾਮ ਨੇ ਨਾ ਸਿਰਫ਼ ਦਰਸ਼ਕਾਂ ਨੂੰ ਪੁਲਾੜ ਦੀ ਰਹੱਸਮਈ ਦੁਨੀਆਂ ਦੀ ਯਾਤਰਾ ’ਤੇ ਲੈ ਗਿਆ, ਸਗੋਂ ਉਨ੍ਹਾਂ ਨੂੰ ਆਪਣੇ ਅੰਦਰ ਝਾਤੀ ਮਾਰਨ, ਆਪਣੇ ਆਪ ਨੂੰ ਪਛਾਣਨ ਅਤੇ ਜੀਵਨ ਦੇ ਵਿਆਪਕ ਉਦੇਸ਼ਾਂ ’ਤੇ ਵਿਚਾਰ ਕਰਨ ਲਈ ਵੀ ਪ੍ਰੇਰਿਤ ਕੀਤਾ । ਇਸ ਮੌਕੇ ਪ੍ਰਸਿੱਧ ਨਿਊਰੋਲੋਜਿਸਟ ਡਾ: ਅਸ਼ੋਕ ਉੱਪਲ, ਪ੍ਰਿੰ. ਮਨੀਸ਼ਾ ਧਾਨੁਕਾ, ਮੈਨੇਜਰ ਵਿਕਾਸ ਬਾਂਸਲ, ਡਾਇਰੈਕਟਰ ਸੁਗੰਧਾ ਜੁਡੇਜਾ ਅਤੇ ਹੈੱਡਮਿਸਟਰੈਸ ਵਸੁੰਧਰਾ ਅਤੇ ਹੋਰ ਪਤਵੰਤੇ ਮਹਿਮਾਨ ਹਾਜ਼ਰ ਸਨ। ਸਕੂਲ ਪਰਿਵਾਰ ਨੇ ਸਾਰੇ ਵਿਸ਼ੇਸ਼ ਮਹਿਮਾਨਾਂ ਨੂੰ ਫੁੱਲਾਂ ਦੇ ਗੁਲਦਸਤੇ ਅਤੇ ਯਾਦਗਾਰੀ ਚਿੰਨ੍ਹ ਭੇਂਟ ਕਰਕੇ ਨਿੱਘਾ ਸਵਾਗਤ ਕੀਤਾ। ਸਮਾਗਮ ਦੀਆਂ ਪੇਸ਼ਕਾਰੀਆਂ ਨੇ ਪੁਲਾੜ ਦੀ ਵਿਸ਼ਾਲਤਾ, ਤਾਰਿਆਂ ਦੀ ਚਮਕ, ਗ੍ਰਹਿਆਂ ਦੀ ਗਤੀ ਅਤੇ ਗਲੈਕਸੀਆਂ ਦੀ ਰਹੱਸਮਈ ਦੁਨੀਆਂ ਨੂੰ ਆਕਰਸ਼ਕ ਢੰਗ ਨਾਲ ਦਰਸਾਇਆ। ਵਿਦਿਆਰਥੀਆਂ ਨੇ ਡਾਂਸ, ਸੰਗੀਤ, ਨਾਟਕ ਪੇਸ਼ਕਾਰੀਆਂ, ਕਵਿਤਾਵਾਂ, ਸੰਵਾਦਾਂ ਅਤੇ ਆਡੀਓ-ਵਿਜ਼ੂਅਲ ਮਾਧਿਅਮਾਂ ਰਾਹੀਂ ਆਪਣੀ ਪ੍ਰਤਿਭਾ ਅਤੇ ਕਲਪਨਾ ਨੂੰ ਪ੍ਰਭਾਵਸ਼ਾਲੀ ਢੰਗ ਨਾਲ ਪ੍ਰਦਰਸ਼ਿਤ ਕੀਤਾ। ਪ੍ਰਿੰਸੀਪਲ ਮਨੀਸ਼ਾ ਧਾਨੁਕਾ ਨੇ ਆਪਣੇ ਸੰਦੇਸ਼ ’ਚ ਕਿਹਾ ਕਿ ਬੱਚਿਆਂ ਨੂੰ ਸਵਾਲ ਪੁੱਛਣ, ਨਵੀਆਂ ਚੀਜ਼ਾਂ ਖੋਜਣ, ਗਲਤੀਆਂ ਤੋਂ ਸਿੱਖਣ ਅਤੇ ਆਪਣੀ ਕਲਪਨਾ ਸ਼ਕਤੀ ਨੂੰ ਵਿਕਸਿਤ ਕਰਨ ਦੇ ਭਰਪੂਰ ਮੌਕੇ ਮਿਲਣੇ ਚਾਹੀਦੇ ਹਨ। ਸਟੇਜ ’ਤੇ ਪ੍ਰਦਰਸ਼ਨ ਕਰਨ ਨਾਲ ਆਤਮ-ਵਿਸ਼ਵਾਸ, ਅਨੁਸ਼ਾਸਨ, ਟੀਮ ਭਾਵਨਾ, ਅਗਵਾਈ ਯੋਗਤਾ ਅਤੇ ਰਚਨਾਤਮਕ ਪ੍ਰਗਟਾਵੇ ਵਰਗੇ ਗੁਣ ਵਿਕਸਿਤ ਹੁੰਦੇ ਹਨ ।
