ਆਧਾਰ ਕਾਰਡ ਵਾਲਿਆਂ ਦਾ ਕਮਾਲ, ਕੌਰ ਦੀ ਜਗ੍ਹਾ ਸਿੰਘ ਲਿਖਿਆ

ਕੋਟਕਪੂਰਾ, 4 ਅਕਤੂਬਰ (ਰਿੰਕੂ ਮਲਹੋਤਰਾ)-ਕੋਟਕਪੂਰਾ ਵਿਖੇ ਦੁਆਰੇਆਣਾ ਰੋਡ ਦੀ ਸਰਬਜੀਤ ਕੌਰ ਪਤਨੀ ਬਲਦੇਵ ਸਿੰਘ ਵਾਸੀ ਸ਼ੇਰੇ ਪੰਜਾਬ ਨਗਰ ਜਿਸ ਦੇ ਆਧਾਰ ਕਾਰਡ ਉੱਪਰ ਆਧਾਰ ਕਾਰਡ ਬਣਾਉਣ ਵਾਲਿਆਂ ਨੇ ਕਮਾਲ ਕਰ ਦਿੱਤਾ ਹੈ ਉਸ ਦੇ ਨਾਮ ਮਗਰ ਕੌਰ ਦੀ ਜਗ੍ਹਾ ਸਿੰਘ ਲਗਾ ਦਿੱਤਾ ਹੈ। ਪੀੜਤ ਪਰਿਵਾਰ ਨੇ ਦੱਸਿਆ ਕਰੀਬ 15 ਸਾਲ ਪਹਿਲਾਂ ਉਨ੍ਹਾਂ ਆਪਣਾ ਆਧਾਰ ਕਾਰਡ ਬਣਵਾਇਆ ਸੀ ਪੜ੍ਹਨ ਤੋਂ ਅਸਮਰਥ ਹੋਣ ਕਾਰਨ ਉਨ੍ਹਾਂ ਆਪਣਾ ਆਧਾਰ ਕਾਰਡ ਪ੍ਰੋਪਰ ਚੈੱਕ ਨਹੀਂ ਕੀਤਾ ਅਤੇ ਪਿਛਲੇ ਸਮੇਂ ਤੋਂ ਵੱਖ-ਵੱਖ ਚੋਣਾਂ ਵਿਚ ਆਪਣੀ ਵੋਟ ਦਾ ਅਧਿਕਾਰ ਅਤੇ ਹੋਰ ਸਹੂਲਤਾਵਾਂ ਪ੍ਰਾਪਤ ਕਰ ਰਹੀ ਹੈ।