ਪੀਣ ਵਾਲਾ ਪਾਣੀ ਨਾ ਆਉਣ ਕਾਰਨ ਲੋਕ ਪ੍ਰੇਸ਼ਾਨ
ਪਟਿਆਲਾ, 28 ਅਕਤੂਬਰ (ਅਮਰਬੀਰ ਸਿੰਘ ਆਹਲੂਵਾਲੀਆ)- ਨਗਰ ਨਿਗਮ ਅਧਿਕਾਰੀਆਂ ਦੀ ਲਾਪਰਵਾਹੀ ਨਾਲ ਜਿੱਥੇ ਸੀਵਰੇਜ ਜਾਮ ਨਾਲ ਲੋਕ ਪ੍ਰੇਸ਼ਾਨ ਹਨ ਉੱਥੇ ਪ੍ਰਤਾਪ ਨਗਰ, ਕਲਰ ਕਾਲੋਨੀ ਅਤੇ ਕਾਕਾ ਕਾਲੋਨੀ ਆਦਿ ’ਚ ਲੰਘੇ ਦਿਨੀਂ ਤੋਂ ਪੀਣ ਵਾਲੇ ਪਾਣੀ ਦੀ ਸਪਲਾਈ ਨਾ ਹੋਣ ਕਾਰਨ ਵੀ ਲੋਕਾਂ ’ਚ ਰੋਸ ਪਾਇਆ ਜਾ ਰਿਹਾ ਹੈ । ਇੱਥੇ ਰਹਿੰਦੇ ਨਾਗਰਿਕਾਂ ਦੀ ਸੁਣੀਏ ਤਾਂ ਸਵੇਰ ਸਮੇਂ ਬੱਚਿਆਂ ਨੂੰ ਸਕੂਲ ਜਾਣ ਲੱਗਿਆਂ ਅਤੇ ਲੋਕਾਂ ਨੂੰ ਦਫ਼ਤਰ ਜਾਣ ਲੱਗਿਆਂ ਵੀ ਪ੍ਰੇਸ਼ਾਨੀਆਂ ਦਾ ਸਾਹਮਣਾ ਕਰਨਾ ਪੈ ਰਿਹਾ ਹੈ।
ਪਟਿਆਲਾ, 28 ਅਕਤੂਬਰ (ਅਮਰਬੀਰ ਸਿੰਘ ਆਹਲੂਵਾਲੀਆ)- ਨਗਰ ਨਿਗਮ ਅਧਿਕਾਰੀਆਂ ਦੀ ਲਾਪਰਵਾਹੀ ਨਾਲ ਜਿੱਥੇ ਸੀਵਰੇਜ ਜਾਮ ਨਾਲ ਲੋਕ ਪ੍ਰੇਸ਼ਾਨ ਹਨ ਉੱਥੇ ਪ੍ਰਤਾਪ ਨਗਰ, ਕਲਰ ਕਾਲੋਨੀ ਅਤੇ ਕਾਕਾ ਕਾਲੋਨੀ ਆਦਿ ’ਚ ਲੰਘੇ ਦਿਨੀਂ ਤੋਂ ਪੀਣ ਵਾਲੇ ਪਾਣੀ ਦੀ ਸਪਲਾਈ ਨਾ ਹੋਣ ਕਾਰਨ ਵੀ ਲੋਕਾਂ ’ਚ ਰੋਸ ਪਾਇਆ ਜਾ ਰਿਹਾ ਹੈ । ਇੱਥੇ ਰਹਿੰਦੇ ਨਾਗਰਿਕਾਂ ਦੀ ਸੁਣੀਏ ਤਾਂ ਸਵੇਰ ਸਮੇਂ ਬੱਚਿਆਂ ਨੂੰ ਸਕੂਲ ਜਾਣ ਲੱਗਿਆਂ ਅਤੇ ਲੋਕਾਂ ਨੂੰ ਦਫ਼ਤਰ ਜਾਣ ਲੱਗਿਆਂ ਵੀ ਪ੍ਰੇਸ਼ਾਨੀਆਂ ਦਾ ਸਾਹਮਣਾ ਕਰਨਾ ਪੈ ਰਿਹਾ ਹੈ। ਇਹ ਹਾਲਾਤ ਪਿਛਲੇ ਸ਼ਨੀਵਾਰ ਤੋਂ ਸੋਮਵਾਰ ਤੱਕ ਰਹੇ ਅਤੇ ਅੱਜ ਸਵੇਰ ਤੋਂ ਸ਼ਾਮ 5 ਵਜੇ ਤੱਕ ਬਰਕਰਾਰ ਹਨ। ਲੋਕਾਂ ਮੁਤਾਬਿਕ ਜੇ.ਈ. ਲੈਵਲ ਦੇ ਅਧਿਕਾਰੀਆਂ ਤੱਕ ਨੂੰ ਫ਼ੋਨ ਲਗਾਏ ਜਾ ਰਹੇ ਹਨ ਪਰ ਕੋਈ ਸੁਣਵਾਈ ਨਹੀਂ ਹੋ ਰਹੀ। ਉਨ੍ਹਾਂ ਸੰਬੰਧਿਤ ਐਕਸੀਅਨ ਨੂੰ ਵੀ ਇਸ ਦੀ ਸ਼ਿਕਾਇਤ ਕੀਤੀ ਪਰੰਤੂ ਸਥਾਈ ਹੱਲ ਨਾ ਹੋਣ ਕਾਰਨ ਪਿਛਲੇ 3 ਦਿਨਾਂ ਤੋਂ ਇਲਾਕੇ ਦੇ ਲੋਕ ਪ੍ਰੇਸ਼ਾਨ ਹਨ। ਕਈਆਂ ਦਾ ਕਹਿਣਾ ਸੀ ਕਿ ਮੇਅਰ ਤੇ ਕਮਿਸ਼ਨਰ ਵਲੋਂ ਸਾਰੇ ਪਟਿਆਲਾ ’ਚ ਸੁਹਿਰਦ ਨੀਯਤ ਨਾਲ ਸਫ਼ਾਈ ਦਾ, ਸੀਵਰੇਜ ਦੀ ਸਮੱਸਿਆ ਅਤੇ ਪਾਣੀ ਦੀ ਨਿਰੰਤਰ ਸਪਲਾਈ ਨੂੰ ਲੈ ਕੇ ਯਤਨ ਕੀਤੇ ਜਾ ਰਹੇ ਹਨ ਪਰੰਤੂ ਕੁੱਝ ਅਜਿਹੇ ਅਵੇਸਲੇ ਅਧਿਕਾਰੀ ਹਨ ਜਿਨ੍ਹਾਂ ਕਾਰਨ ਸਰਕਾਰ ਤੱਕ ਦੀ ਛਵੀ ਆਮ ਲੋਕਾਂ ’ਚ ਖ਼ਰਾਬ ਹੋ ਰਹੀ ਹੈ। ਨਗਰ ਨਿਗਮ ਤੇ ਸਰਕਾਰ ਦੋਹਾਂ ਦੇ ਕੰਮਾਂ ਤੋਂ ਅੱਜ ਲੋਕ ਖ਼ੁਸ਼ ਹਨ। ਆਉਂਦੀਆਂ 28 ਵਾਰਡਾਂ ਦੀਆਂ ਚੋਣਾਂ ’ਚ ਲੋਕ ਕੀਤੇ ਕੰਮਾਂ ਨੂੰ ਫ਼ਤਵਾ ਦੇਣ ਲਈ ਤਿਆਰ ਬੈਠੇ ਹਨ, ਪਰ ਅਜਿਹੇ ਕੁੱਝ ਅਧਿਕਾਰੀਆਂ ਕਾਰਨ ਲੋਕਾਂ ’ਚ ਰੋਸ ਵਧ ਰਿਹਾ ਹੈ।
