ਬਠਿੰਡਾ

ਬਠਿੰਡਾ ਦੇ ਜਿਊਲਰੀ ਸ਼ੋਅਰੂਮ ‘ਚੋਂ 50 ਗ੍ਰਾਮ ਚਾਂਦੀ ਚੋਰੀ

ਅ

ਅਜੀਤ ਡੈਸਕ 23-10-2026

ਬਠਿੰਡਾ , 22 ਅਕਤੂਬਰ ( ਪੱਤਰ ਪ੍ਰੇਰਕ )- ਬਠਿੰਡਾ ਦੇ ਹਸਪਤਾਲ ਬਾਜ਼ਾਰ ‘ ਚ ਇਕ ਜਵੈਲਰਜ਼ ਦੇ ਸ਼ੋਅਰੂਮ ਵਿਚ ਅਣਪਛਾਤੇ ਨੌਜਵਾਨ ਵਲੋਂ 50 ਗ੍ਰਾਮ ਚਾਂਦੀ ਚੋਰੀ ਕਰਨ ਦਾ ਮਾਮਲਾ ਸਾਹਮਣੇ ਆਇਆ ਹੈ । ਚੋਰੀ ਦੀ ਇਹ ਸਾਰੀ ਘਟਨਾ ਸ਼ੋਅਰੂਮ ਵਿਚ ਲੱਗੇ ਸੀ . ਸੀ . ਟੀ . ਵੀ . ਕੈਮਰਿਆਂ ਵਿਚ ਕੈਦ ਹੋ ਗਈ ਹੈ , ਜਿਸ ਦੀ ਵੀਡੀਓ ਸੋਸ਼ਲ ਮੀਡੀਆ ‘ ਤੇ ਵੀ ਸਾਹਮਣੇ ਆ ਰਹੀ ਹੈ । ਸ਼ੋਅਰੂਮ ਦੇ ਮਾਲਕ ਦਰਸ਼ਨ ਕੁਮਾਰ ਘੁੱਦਾ ਅਤੇ ਉਨ੍ਹਾਂ ਦੇ ਪੁੱਤਰ ਮਨੀਸ਼ ਗੋਇਲ ਨੇ ਦੱਸਿਆ ਕਿ ਉਨ੍ਹਾਂ ਦੇ ਸੋਅਰੂਮ ਵਿਚ ਇੱਕ ਨੌਜਵਾਨ ਝਾਂਜਰ ਦੇਖਣ ਲਈ ਆਇਆ ਸੀ । ਇਸ ਦੌਰਾਨ ਉਸ ਨੇ ਕਾਊਂਟਰ ‘ ਤੇ ਰੱਖਿਆ 50 ਗ੍ਰਾਮ ਵਜ਼ਨ ਦਾ ਚਾਂਦੀ ਦਾ ਟੁਕੜਾ ਚੁੱਕ ਕੇ ਆਪਣੀ ਪੈਂਟ ਦੀ ਪਿਛਲੀ ਜੇਬ ਵਿਚ ਪਾ ਲਿਆ ਅਤੇ ਬਿਨਾਂ ਕੋਈ ਖ਼ਰੀਦਦਾਰੀ ਕੀਤੇ ਉੱਥੋਂ ਚਲਾ ਗਿਆ । ਸ਼ੋਅਰੂਮ ਦੇ ਮਾਲਕਾਂ ਅਨੁਸਾਰ , ਜਦੋਂ ਉਨ੍ਹਾਂ ਨੇ ਗਹਿਣਿਆਂ ਦੀ ਗਿਣਤੀ ਕੀਤੀ ਤਾਂ ਇੱਕ ਚਾਂਦੀ ਦਾ ਟੁਕੜਾ ਗ਼ਾਇਬ ਮਿਲਿਆ । ਉਨ੍ਹਾਂ ਨੇ ਆਲੇ - ਦੁਆਲੇ ਭਾਲ ਕੀਤੀ , ਪਰ ਜਦੋਂ ਕੋਈ ਪਤਾ ਨਾ ਲੱਗਿਆ ਤਾਂ ਸ਼ੋਅਰੂਮ ਵਿਚ ਲੱਗੇ ਸੀਸੀਟੀਵੀ ਕੈਮਰਿਆਂ ਦੀ ਫੁਟੇਜ ਚੈੱਕ ਕੀਤੀ ਗਈ । ਫੁਟੇਜ ਵਿਚ ਨੌਜਵਾਨ ਕਾਊਂਟਰ ‘ ਤੇ ਰੱਖੇ ਸਾਮਾਨ ਨੂੰ ਦੇਖਦਾ ਅਤੇ ਚਾਂਦੀ ਦਾ ਟੁਕੜਾ ਚੁੱਕਦਾ ਦਿਖਾਈ ਦੇ ਰਿਹਾ ਹੈ । ਸ਼ੋਅਰੂਮ ਵਿਚ ਹੋਈ ਚੋਰੀ ਦੀ ਸੀਸੀਟੀਵੀ ਫੁਟੇਜ਼ ਸੋਸ਼ਲ ਮੀਡੀਆ ਉਪਰ ਵਾਇਰਲ ਹੋ ਰਹੀ ਹੈ ।

ਪਿਛਲੀ ਖ਼ਬਰ ਵੋਟਰ ਆਪਣੇ ਵੇਰਵਿਆਂ ਦੀ ਜਾਂਚ ਕਰਨ : ਜ਼ਿਲ੍ਹਾ ਚੋਣ ਅਫ਼ਸਰ ਕੱਲ੍ਹ ਹਰ ਇਕ ਬੂਥ ’ਤੇ ਲਗਾਏ ਜਾਣਗੇ ਵਿਸ਼ੇਸ਼ ਕੈਂਪ ਅਗਲੀ ਖ਼ਬਰ ਦੇਸੀ ਕੱਟੇ ਸਮੇਤ ਇਕ ਕਾਬੂ

Subscribers Only Story

ਇਸ ਖ਼ਬਰ ਨੂੰ ਪੂਰਾ ਪੜ੍ਹਨ ਲਈ ਸਬਸਕ੍ਰਾਈਬਰ ਲਾਗਇਨ ਕਰੋ।

ਬਠਿੰਡਾ ਦੇ ਜਿਊਲਰੀ ਸ਼ੋਅਰੂਮ ‘ਚੋਂ 50 ਗ੍ਰਾਮ ਚਾਂਦੀ ਚੋਰੀ

Subscribers Only Story

ਸੰਬੰਧਿਤ ਖ਼ਬਰਾਂ