ਜੀ 7 ਦੇਸ਼ਾਂ ਵਲੋਂ ਤਣਾਅ ਘਟਾਉਣ ਦਾ ਸੱਦਾ

• ਈਰਾਨ ਨੂੰ ਪ੍ਰਮਾਣੂ ਬੰਬ ਰੱਖਣ ਦੀ ਇਜਾਜ਼ਤ ਨਹੀਂ ਦਿੱਤੀ ਜਾ ਸਕਦੀ • ਸਾਂਝਾ ਬਿਆਨ ਜਾਰੀ • ਇਜ਼ਰਾਈਲ ਨੂੰ ਦਿੱਤਾ ਸਮਰਥਨ
ਕੈਨਾਨਾਸਕਿਸ (ਕੈਨੇਡਾ), 17 ਜੂਨ (ਏਜੰਸੀ)-ਕੈਨੇਡਾ 'ਚ ਸੱਤ ਦੇਸ਼ਾਂ ਦੇ ਸਮੂਹ ਜੀ 7 ਦੇ ਨੇਤਾਵਾਂ ਨੇ ਇਕ ਸਾਂਝੇ ਬਿਆਨ 'ਤੇ ਦਸਤਖਤ ਕੀਤੇ, ਜਿਸ 'ਚ ਇਜ਼ਰਾਈਲ ਤੇ ਈਰਾਨ ਵਿਚਕਾਰ ਲੜਾਈ ਨੂੰ ਖ਼ਤਮ ਕਰਨ ਦੀ ਮੰਗ ਕੀਤੀ ਗਈ ਹੈ, ਜਦਕਿ ਇਹ ਯਕੀਨੀ ਬਣਾਇਆ ਗਿਆ ਹੈ ਕਿ ਈਰਾਨ ਨੂੰ ਪ੍ਰਮਾਣੂ ਬੰਬ ਰੱਖਣ ਦੀ ਇਜਾਜ਼ਤ ਨਹੀਂ ਦਿੱਤੀ ਜਾ ਸਕਦੀ | ਬਿਆਨ 'ਚ ਲਿਖਿਆ ਹੈ ਕਿ, ''ਅਸੀਂ, ਜੀ 7 ਦੇ ਨੇਤਾ, ਮੱਧ ਪੂਰਬ 'ਚ ਸ਼ਾਂਤੀ ਤੇ ਸਥਿਰਤਾ ਪ੍ਰਤੀ ਆਪਣੀ ਵਚਨਬੱਧਤਾ ਨੂੰ ਦੁਹਰਾਉਂਦੇ ਹਾਂ | ਇਸ ਸੰਦਰਭ 'ਚ ਅਸੀਂ ਪੁਸ਼ਟੀ ਕਰਦੇ ਹਾਂ ਕਿ ਇਜ਼ਰਾਈਲ ਨੂੰ ਆਪਣਾ ਬਚਾਅ ਕਰਨ ਦਾ ਅਧਿਕਾਰ ਹੈ | ਅਸੀਂ ਇਜ਼ਰਾਈਲ ਦੀ ਸੁਰੱਖਿਆ ਲਈ ਆਪਣੇ ਸਮਰਥਨ ਨੂੰ ਦੁਹਰਾਉਂਦੇ ਹਾਂ | ਅਸੀਂ ਨਾਗਰਿਕਾਂ ਦੀ ਸੁਰੱਖਿਆ ਦੀ ਮਹੱਤਤਾ ਦੀ ਵੀ ਪੁਸ਼ਟੀ ਕਰਦੇ ਹਾਂ | ਈਰਾਨ ਖੇਤਰੀ ਅਸਥਿਰਤਾ ਤੇ ਦਹਿਸ਼ਤ ਦਾ ਮੁੱਖ ਸਰੋਤ ਹੈ | ਅਸੀਂ ਲਗਾਤਾਰ ਸਪੱਸ਼ਟ ਰਹੇ ਹਾਂ ਕਿ ਈਰਾਨ ਕਦੇ ਵੀ ਪ੍ਰਮਾਣੂ ਹਥਿਆਰ ਨਹੀਂ ਰੱਖ ਸਕਦਾ | ਅਸੀਂ ਤਾਲਮੇਲ ਕਰਨ ਦੀ ਅਪੀਲ ਕਰਦੇ ਹਾਂ ਕਿ ਈਰਾਨੀ ਸੰਕਟ ਦਾ ਹੱਲ ਮੱਧ ਪੂਰਬ 'ਚ ਦੁਸ਼ਮਣੀ ਨੂੰ ਇਕ ਵਿਸ਼ਾਲ ਤਣਾਅ ਵੱਲ ਲੈ ਜਾਂਦਾ ਹੈ, ਜਿਸ 'ਚ ਗਾਜ਼ਾ 'ਚ ਜੰਗਬੰਦੀ ਵੀ ਸ਼ਾਮਿਲ ਹੈ | ਅਸੀਂ ਅੰਤਰਰਾਸ਼ਟਰੀ ਊਰਜਾ ਬਾਜ਼ਾਰਾਂ ਲਈ ਪ੍ਰਭਾਵਾਂ ਪ੍ਰਤੀ ਚੌਕਸ ਰਹਾਂਗੇ ਤੇ ਬਾਜ਼ਾਰ ਸਥਿਰਤਾ ਦੀ ਰੱਖਿਆ ਲਈ ਸਮਾਨ ਸੋਚ ਵਾਲੇ ਭਾਈਵਾਲਾਂ ਸਮੇਤ ਤਾਲਮੇਲ ਕਰਨ ਲਈ ਤਿਆਰ ਰਹਾਂਗੇ |''