ਭਾਰਤ ਅਤੇ ਰੂਸ ਦਰਮਿਆਨ ਸ਼ੁੱਕਰਵਾਰ ਨੂੰ ਲੜਾਕੂ ਜਹਾਜ਼ਾਂ ਜਾਂ ਵੱਡੇ ਰੱਖਿਆ ਸੌਦੇ ਨਾਲ ਸੰਬੰਧਿਤ ਕਿਸੇ ਵੀ ਸਮਝੌਤੇ ਦਾ ਐਲਾਨ ਨਹੀਂ ਕੀਤਾ ਗਿਆ, ਜਦਕਿ ਪੁਤਿਨ ਦੇ ਦੌਰੇ ਦੌਰਾਨ ਅਜਿਹੇ ਸਮਝੌਤੇ ਦੀ ਕਾਫੀ ਸੰਭਾਵਨਾ ਪ੍ਰਗਟਾਈ ਜਾ ਰਹੀ ਸੀ | ਹਾਲਾਂਕਿ, ਹੈਦਰਾਬਾਦ ਹਾਊਸ ਵਿਖੇ ਮੋਦੀ ਅਤੇ ਪੁਤਿਨ ਦੀ ਦੁਵੱਲੀ ਬੈਠਕ ਤੋਂ ਬਾਅਦ ਕਈ ਸਮਝੌਤੇ ਸਹੀਬੱਧ ਹੋਏ, ਜਿਨ੍ਹਾਂ 'ਚ ਊਰਜਾ ਸਹਿਯੋਗ, ਉਦਯੋਗਿਕ ਸਾਂਝੇਦਾਰੀ, ਅਨਾਜ ਸੁਰੱਖਿਆ, ਖੇਤੀ ਅਤੇ ਖਾਦ, ਸਿਹਤ ਸੰਭਾਲ ਸਹਿਯੋਗ, ਬੰਦਰਗਾਹ ਅਤੇ ਜਹਾਜ਼ਰਾਣੀ ਅਮਲ ਨੂੰ ਸੁਖਾਲਾ ਬਣਾਉਣ ਅਤੇ ਪ੍ਰਵਾਸ ਅਮਲ ਨੂੰ ਅਸਾਨ ਬਣਾਉਣ ਸੰਬੰਧੀ ਸਮਝੌਤਿਆਂ ਅਤੇ ਐਮ.ਓ.ਵੀ. 'ਤੇ ਸਹਿਮਤੀ ਪੱਤਰਾਂ 'ਤੇ ਦਸਤਖ਼ਤ ਕੀਤੇ ਗਏ | ਇਸ ਤੋਂ ਇਲਾਵਾ ਭਾਰਤ ਅਤੇ ਰੂਸ ਆਰਥਿਕ ਸਹਿਯੋਗ ਪ੍ਰੋਗਰਾਮ ਨੂੰ 2030 ਤੱਕ ਜਾਰੀ ਰੱਖਣ 'ਤੇ ਵੀ ਸਹਿਮਤ ਹੋਏ |
