17-11-2026
ਅੱਖਰ:
ਵਿਚਾਰ ਪ੍ਰਵਾਹ
ਪ੍ਰਕਾਸ਼ਿਤ: 21-06-2025

ਤਰਸੇਮ ਸਿੰਘ ਕਾਹਲੋਂ ਦੀ ਬਰਸੀ ਮੌਕੇ 5100 ਬੂਟੇ ਲਗਾਉਣ ਦੀ ਮੁਹਿੰਮ ਕੀਤੀ ਸ਼ੁਰੂ <br/>

ਅਜੀਤ ਡੈਸਕ 21-06-2025
ਹਰਿਆਣਾ, 20 ਜੂਨ (ਖੱਖ)-ਉੱਘੇ ਸਮਾਜ ਸੇਵੀ ਤੇ ਧਾਰਮਿਕ ਆਗੂ ਤਰਸੇਮ ਸਿੰਘ ਕਾਹਲੋਂ ਦੀ ਦੂਸਰੀ ਬਰਸੀ ਮੌਕੇ ਉਨ੍ਹਾਂ ਨੂੰ ਸ਼ਰਧਾਂਜਲੀਆਂ ਭੇਟ ਕਰਨ ਉਪਰੰਤ ਪਿੰਡ ਭਟੋਲੀਆਂ ਵਿਖੇ ਬੂਟੇ ਲਗਾਉਣ ਦੀ ਮੁਹਿੰਮ ਸ਼ੁਰੂ ਕੀਤੀ ਗਈ | ਇਸ ਮੁਹਿੰਮ ਤਹਿਤ ਵੱਖ-ਵੱਖ ਜਥੇਬੰਦੀਆਂ ਅਤੇ ਕਲੱਬਾਂ ਦੇ ਸਹਿਯੋਗ ਨਾਲ ਰਵਿੰਦਰ ਸਿੰਘ ਕਾਹਲੋਂ ਪ੍ਰਧਾਨ ਸ਼ਹੀਦ ਭਗਤ ਸਿੰਘ ਕ੍ਰਾਂਤੀਕਾਰੀ ਸੁਸਾਇਟੀ ਪੰਜਾਬ ਦੀ ਅਗਵਾਈ ਹੇਠ 5100 ਵੱਖ-ਵੱਖ ਕਿਸਮ ਦੇ ਬੂਟੇ ਲਗਾਏ ਜਾਣਗੇ | ਇਸ ਮੌਕੇ ਰਵਿੰਦਰ ਸਿੰਘ ਕਾਹਲੋਂ ਨੇ ਤਰਸੇਮ ਸਿੰਘ ਕਾਹਲੋਂ ਦੇ ਜੀਵਨ ਅਤੇ ਸਮਾਜ ਸੇਵਾ ਦੇ ਕੰਮਾਂ ਸਬੰਧੀ ਜਾਣਕਾਰੀ ਦਿੰਦੇ ਹੋਏ ਕਿਹਾ ਕਿ ਉਨ੍ਹਾਂ ਦੀ ਦੂਸਰੀ ਬਰਸੀ 'ਤੇ ਉਨ੍ਹਾਂ ਦੇ ਕਾਰਜਾਂ ਨੂੰ ਅੱਗੇ ਤੋਰਦੇ ਹੋਏ 5100 ਰੁੱਖ ਲਗਾਏ ਜਾਣਗੇ | ਇਸ ਮੌਕੇ ਪੱਪੀ ਬਹਿਲ ਆਰ.ਟੀ.ਆਈ. ਕਨਵੀਨਰ ਪੰਜਾਬ, ਪਰਮਜੀਤ ਸਿੰਘ ਬੋਰਡ ਮੈਂਬਰ ਸ਼ਿਵਾਲਿਕ ਐਫ.ਪੀ.ਓ, ਰਾਜ ਕੁਮਾਰੀ ਪ੍ਰਧਾਨ ਵਿਲੇਜ਼ ਡਿਵੈਲਪਮੈਂਟ ਸੁਸਾਇਟੀ ਸਹਿਜੋਵਾਲ, ਬਲਵਿੰਦਰ ਕੌਰ ਬਹਿਲ ਰਿਟਾ. ਸੀਨੀਅਰ ਅਸਿਸਟੈਂਟ ਇੰਸਟੀਚਿਊਟ ਹੈਲਥ ਤੇ ਫੈਮਿਲੀ ਵੈੱਲਫੇਅਰ ਪੰਜਾਬ, ਕੁਲਵਰਨ ਸਿੰਘ ਲਵਲੀ ਉੱਘੇ ਬਿਜ਼ਨਸਮੈਨ ਅਤੇ ਸਮਾਜ ਸੇਵਕ, ਜੋਗਿੰਦਰ ਸਿੰਘ ਖ਼ਾਲਸਾ ਬੋਰਡ ਮੈਂਬਰ ਅੰਮਿ੍ਤ ਧਾਰਾ ਐਫ.ਪੀ.ਓ ਭੂੰਗਾ, ਹਰਦੇਵ ਕੌਰ ਧਾਰਮਿਕ ਆਗੂ, ਸੰਤੋਖ ਕੌਰ ਕਾਹਲੋਂ ਬੋਰਡ ਮੈਂਬਰ ਅੰਮਿ੍ਤ ਧਾਰਾ ਐਫ.ਪੀ.ਓ. ਭੂੰਗਾ ਆਦਿ ਨੇ ਰੁੱਖਾਂ ਦੀ ਮਹੱਤਤਾ ਬਾਰੇ ਜਾਣਕਾਰੀ ਦਿੱਤੀ | ਇਸ ਮੌਕੇ ਨਵਦੀਪ ਕੌਰ ਸੀ.ਈ.ਓ. ਹਰਿਆਲੀ ਐਫ.ਪੀ.ਓ., ਸੁਮਨਾ ਦੇਵੀ ਸੀ.ਈ.ਓ. ਕੰਡੀ ਐਫ.ਪੀ.ਓ, ਰਾਜਨ ਏ.ਸੀ.ਈ.ਓ. ਸ਼ਿਵਾਲਿਕ ਐਫ.ਪੀ.ਓ., ਰਜਤ ਏ.ਸੀ.ਈ.ਓ. ਹਰਿਆਲੀ ਐਫ.ਪੀ.ਓ, ਸਾਹਿਲ ਏ.ਸੀ.ਈ.ਓ. ਕੰਢੀ ਐਫ.ਪੀ.ਓ, ਦਮਨਪ੍ਰੀਤ ਕੌਰ, ਜਸਦੀਪ ਸਿੰਘ ਕਾਹਲੋਂ, ਮਨਕੀਰਤ ਸਿੰਘ ਕਾਹਲੋਂ, ਸਮਨਜੋਤ ਕੌਰ ਬੋਰਡ ਮੈਂਬਰ ਕੰਢੀ ਐਫ.ਪੀ.ਓ ਦਸੂਹਾ ਆਦਿ ਹਾਜ਼ਰ ਸਨ |

ਪਿਛਲੀ ਖ਼ਬਰ ਸਰਬਜੋਤ ਸਾਬੀ ਦੀ ਸ਼ਮੂਲੀਅਤ ਨਾਲ ਕਾਂਗਰਸ ਹਲਕੇ 'ਚ ਹੋਈ ਹੋਰ ਮਜ਼ਬੂਤ-ਸਰਪੰਚ ਗੋਲਡੀ <br/> ਅਗਲੀ ਖ਼ਬਰ ਮਨਿਸਟੀਰੀਅਲ ਸਟਾਫ਼ ਐਸੋਸੀਏਸ਼ਨ ਵਲੋਂ ਪਦਉਨਤ ਹੋਏ ਸੀਨੀਅਰ ਸਹਾਇਕਾਂ ਦਾ ਸਵਾਗਤ <br/>

Subscribers Only Story

ਇਸ ਖ਼ਬਰ ਨੂੰ ਪੂਰਾ ਪੜ੍ਹਨ ਲਈ ਸਬਸਕ੍ਰਾਈਬਰ ਲਾਗਇਨ ਕਰੋ।