ਸੈਲਾ ਖੁਰਦ, 17 ਅਕਤੂਬਰ (ਹਰਵਿੰਦਰ ਸਿੰਘ ਬੰਗਾ)-ਸਾਂਈ ਕਾਲਜ ਆਫ ਐਜੂਕੇਸ਼ਨ ਸਰਦੁੱਲਾਪੁਰ ਵਿਖੇ ਐਨ.ਐਸ.ਐਸ. ਕੈਂਪ ਦਾ ਆਰੰਭ ਕੀਤਾ ਗਿਆ | ਇਸ ਕੈਂਪ ਦਾ ਆਰੰਭ ਚੇਅਰਮੈਨ ਪੀ.ਕੇ. ਜੌਹਰ ਦੇ ਭਾਸ਼ਣ ਨਾਲ ਸ਼ੁਰੂ ਹੋਇਆ | ਇਸ ਵਿਚ ਬੀ.ਐਡ. ਦੇ ਵਿਦਿਆਰਥੀਆਂ ਨੇ ਭਾਗ ਲਿਆ | ਇਸ ਕੈਂਪ ਦਾ ਮੁੱਖ ਮੰਤਵ ਸਫਾਈ ਅਤੇ ਕੈਂਪਸ ਦੀ ਸੁੰਦਰਤਾ, ਰੁੱਖ ਲਗਾਓ ਮੁਹਿੰਮ ਅਤੇ ਵਾਤਾਵਰਣ ਜਾਗਰੂਕਤਾ, ਸਿਹਤ ਅਤੇ ਸਫਾਈ ਦੇ ਇਲਾਵਾ ਆਲੇ-ਦੁਆਲੇ ਦੇ ਪਿੰਡਾਂ ਵਿਚ ਸਮਾਜ ਸੇਵਾ ਕਾਰਜ ਕਰਨ ਸੰਬੰਧੀ ਜਾਗਰੂਕ ਕਰਨਾ ਸੀ | ਇਸ ਮੌਕੇ ਸਾਂਈ ਕਾਲਜ ਆਫ ਨਰਸਿੰਗ ਦੇ ਪਿ੍ੰ. ਮਨਦੀਪ ਕੌਰ ਸਫਾਟ ਅਤੇ ਵਿਦਿਆਰਥੀਆਂ ਨੇ ਵੀ ਸਮੂਲੀਅਤ ਕੀਤੀ | ਐਨ.ਐਸ.ਐਸ. ਦੇ ਨੋਡਲ ਅਧਿਕਾਰੀ ਨਵਦੀਪ ਸਿੰਘ ਦੀ ਅਗਵਾਈ ਅਤੇ ਸਟਾਫ ਦੇ ਸਹਿਯੋਗ ਨਾਲ ਵਿਦਿਆਰਥੀਆਂ ਨੇ ਬਹੁਤ ਸ਼ਲਾਘਾਯੋਗ ਕੰਮ ਕੀਤਾ | ਇਸ ਮੌਕੇ ਵਾਇਸ ਚੇਅਰਮੈਨ ਗੌਰਵ ਜੌਹਰ, ਪਿ੍ੰ. ਡਾ. ਕਾਮਿਨੀ, ਡਾ. ਸਰਬਜੀਤ ਨੇ ਵੀ ਆਪਣੇ ਵਿਚਾਰ ਰੱਖੇ |
