ਮੁੱਲਾਂਪੁਰ-ਦਾਖਾ, 16 ਅਕਤੂਬਰ (ਨਿਰਮਲ ਸਿੰਘ ਧਾਲੀਵਾਲ)- ਮੰਡੀ ਮੁੱਲਾਂਪੁਰ ਨੈਸ਼ਨਲ ਹਾਈਵੇ ਦੀ ਸਰਵਿਸ ਲੇਨ 'ਚੋਂ ਵੱਡੀ ਸੜਕ 'ਤੇ ਆਉਣ ਸਮੇਂ ਇਕ ਮੋਟਰਸਾਈਕਲ ਦੀ ਸਕਾਰਪੀਓ ਕਾਰ ਨਾਲ ਟੱਕਰ ਸਮੇਂ ਮੋਟਰਸਾਈਕਲ ਚਾਲਕ ਮੌਕੇ 'ਤੇ ਦਮ ਤੋੜ ਗਿਆ | ਦਾਖਾ ਪੁਲਿਸ ਅਨੁਸਾਰ ਮਿ੍ਤਕ ਦੀ ਪਹਿਚਾਣ ਪ੍ਰਦੀਪ ਸਿੰਘ ਉਰਫ਼ ਗੋਪੀ (35) ਪਿੰਡ ਮੰਡਿਆਣੀ ਵਜੋਂ ਹੋਈ | ਪੁਲਿਸ ਵਲੋਂ ਮਿ੍ਤਕ ਦੇਹ ਕਬਜ਼ੇ ਹੇਠ ਲੈ ਕੇ ਗੋਪੀ ਦੇ ਪਰਿਵਾਰਕ ਮੈਂਬਰਾਂ ਨੂੰ ਸੂਚਿਤ ਕੀਤਾ ਗਿਆ | ਹਾਦਸਾਗ੍ਰਸਤ ਮੋਟਰਸਾਈਕਲ ਤੇ ਸਕਾਰਪੀਓ ਪੁਲਿਸ ਵਲੋਂ ਦੋਵੇਂ ਵਾਹਨ ਥਾਣਾ ਦਾਖਾ ਲਿਆ ਕੇ ਕਾਗਜ਼ੀ ਕਾਰਵਾਈ ਆਰੰਭੀ | ਮਿ੍ਤਕ ਦੇ ਵਾਰਿਸਾਂ ਦੇ ਬਿਆਨਾਂ ਬਾਅਦ ਪੁਲਿਸ ਵਲੋਂ ਪੋਸਟ ਮਾਰਟਮ ਉਪਰੰਤ ਪ੍ਰਦੀਪ ਸਿੰਘ ਦੀ ਮਿ੍ਤਕ ਦੇਹ ਪਰਿਵਾਰ ਨੂੰ ਸੌਂਪੀ ਗਈ |