ਜਾਡਲਾ, 19 ਅਕਤੂਬਰ (ਸੁਰਿੰਦਰ ਕੁਮਾਰ ਦੁੱਗਲ)-ਭਟੋਆ ਗੋਤ ਜਠੇਰਿਆਂ ਦਾ ਲਾਗਲੇ ਪਿੰਡ ਉਟਾਲ ਵਿਖੇ 26 ਅਕਤੂਬਰ ਨੂੰ ਹੋਣ ਵਾਲਾ ਮੇਲਾ ਫਿਲਹਾਲ ਮੁਲਤਵੀ ਹੋ ਗਿਆ ਹੈ | ਭਟੋਆ ਜਠੇਰੇ ਕਮੇਟੀ ਦੇ ਮੈਂਬਰਾਂ ਅਨੁਸਾਰ ਭਟੋਆ ਗੋਤ ਨਾਲ ਸੰਬੰਧਤ ਪਿੰਡ ਠਠਿਆਲਾ ਢਾਹਾ ਦੇ ਨੌਜਵਾਨ ਬਿਜਲੀ ਮਕੈਨਿਕ ਬਲਜਿੰਦਰ ਸਿੰਘ ਦੀ ਧਰਮਪਤਨੀ ਬਲਵਿੰਦਰ ਕੌਰ ਉਰਫ ਬੇਵੀ ਦੇ ਅਚਾਨਕ ਸਦੀਵੀ ਵਿਛੋੜਾ ਦੇ ਜਾਣ ਕਾਰਨ ਸੋਗ ਵਜੋਂ ਮੇਲਾ ਮੁਲਤਵੀ ਕੀਤਾ ਗਿਆ ਹੈ | ਹੁਣ ਇਹ ਮੇਲਾ ਬਲਵਿੰਦਰ ਕੌਰ ਦੀ ਅੰਤਿਮ ਅਰਦਾਸ ਤੋਂ ਬਾਅਦ ਹੋਵੇਗਾ | ਕਮੇਟੀ ਮੈਂਬਰਾਂ ਨੇ ਵਿਛੜੀ ਰੂਹ ਦੀ ਸ਼ਾਂਤੀ ਲਈ ਅਰਦਾਸ ਕਰਦਿਆਂ ਦੁਖੀ ਪਰਿਵਾਰ ਨਾਲ ਹਮਦਰਦੀ ਦਾ ਇਜ਼ਹਾਰ ਕੀਤਾ ਹੈ |
