ਬਸੀ ਪਠਾਣਾਂ, 20 ਜੂਨ (ਯਤਿੰਦਰ ਮੌਦਗਿਲ)-ਇਕ ਪਾਸੇ ਸਰਕਾਰ ਵਲੋਂ ਯੋਗ ਨੂੰ ਉਤਸ਼ਾਹਿਤ ਕਰਨ ਦਾ ਦਾਅਵਾ ਬੜੇ ਜ਼ੋਰ ਸ਼ੋਰ ਨਾਲ ਕੀਤਾ ਜਾ ਰਿਹਾ ਹੈ, ਦੂਜੇ ਪਾਸੇ ਬਸੀ ਪਠਾਣਾਂ 'ਚ ਸੰਤ ਨਾਮਦੇਵ ਮੰਦਿਰ ਮਾਰਗ 'ਤੇ ਚੱਲਦੀ ਯੋਗਸ਼ਾਲਾ ਨੂੰ ਪਿਛਲੇ ਕਰੀਬ ਚਾਰ ਮਹੀਨਿਆਂ ਤੋਂ ਸਰਕਾਰੀ ਟਰੇਨਰ ਦਾ ਇੰਤਜ਼ਾਰ ਹੈ | ਇੱਥੇ ਯੋਗ ਕਰਦੀਆਂ ਔਰਤਾਂ ਨੇ ਦੱਸਿਆ ਕਿ ਇਹ ਗਰੁੱਪ ਸਰਕਾਰ ਵਲੋਂ ਭੇਜੀ ਟਰੇਨਰ ਵਲੋਂ ਕਰੀਬ ਇਕ ਸਾਲ ਪਹਿਲਾਂ ਸ਼ੁਰੂ ਕੀਤਾ ਗਿਆ ਸੀ | ਜਿਸ ਵਿਚ 20 ਤੋਂ ਜ਼ਿਆਦਾ ਔਰਤਾਂ ਜੁੜੀਆਂ ਸਨ | ਉਨ੍ਹਾਂ ਕਿਹਾ ਕਿ ਇਸ ਗਰੁੱਪ ਵਿਚ ਤਿੰਨ ਟਰੇਨਰ ਯੋਗ ਕਿਰਿਆਵਾਂ ਸਿਖਾਉਣ ਲਈ ਆਈਆਂ ਤੇ ਕੁੱਝ ਸਮਾਂ ਲਗਾ ਕੇ ਚਲੀਆਂ ਗਈਆਂ | ਉਨ੍ਹਾਂ ਕਿਹਾ ਕਿ ਹੁਣ ਲਗਭਗ ਪਿਛਲੇ ਚਾਰ ਮਹੀਨੇ ਤੋਂ ਕੋਈ ਟਰੇਨਰ ਯੋਗ ਸਿਖਾਉਣ ਨਹੀਂ ਆ ਰਿਹਾ | ਜਿਸ ਕਾਰਨ ਯੋਗ ਸਿੱਖਣ ਵਾਲੀਆਂ ਔਰਤਾਂ ਵਿਚ ਮਾਯੂਸੀ ਛਾਈ ਹੋਈ ਹੈ | ਉਨ੍ਹਾਂ ਸਰਕਾਰ ਤੋਂ ਜਲਦ ਤੋਂ ਜਲਦ ਟਰੇਨਰ ਭੇਜਣ ਦੀ ਮੰਗ ਕੀਤੀ ਹੈ |
