ਗੁਰਦਾਸਪੁਰ, 17 ਜੂਨ (ਪੰਕਜ ਸ਼ਰਮਾ)-ਸ਼ਤਰੰਜ ਦਾ 2 ਰੋਜ਼ਾ ਓਪਨ ਚੈਂਪੀਅਨ ਟੂਰਨਾਮੈਂਟ ਚੈੱਸ ਐਸੋਸੀਏਸ਼ਨ ਗੁਰਦਾਸਪੁਰ ਵਲੋਂ ਕਰਵਾਇਆ ਗਿਆ ਜਿਸ ਵਿਚ 16 ਖਿਡਾਰੀਆਂ ਨੇ ਹਿੱਸਾ ਲਿਆ | ਇਹ ਟੂਰਨਾਮੈਂਟ 10 ਸਾਲ ਤੋਂ 90 ਸਾਲ ਤੱਕ ਦੀ ਉਮਰ ਵਾਲਿਆਂ ਲਈ ਕਰਵਾਇਆ ਗਿਆ | ਦੋ ਦਿਨ ਚੱਲੇ ਇਸ ਟੂਰਨਾਮੈਂਟ ਦਾ ਉਦਘਾਟਨ ਚੇਅਰਮੈਨ ਪੰਜਾਬ ਹੈਲਥ ਸਿਸਟਮਜ਼ ਕਾਰਪੋਰੇਸ਼ਨ ਰਮਨ ਬਹਿਲ ਦੇ ਪੁੱਤਰ ਧਰੁਵ ਬਹਿਲ ਅਤੇ ਮਾਰਕੀਟ ਕਮੇਟੀ ਦੇ ਚੇਅਰਮੈਨ ਭਾਰਤ ਭੂਸ਼ਨ ਸ਼ਰਮਾ ਵਲੋਂ ਕੀਤਾ ਗਿਆ | ਇਸ ਮੌਕੇ ਡਾ: ਅਸ਼ੋਕ ਹਸਤੀਰ ਜੇਤੂ ਰਹੇ ਅਤੇ ਚੈੱਸ ਟਰਾਫ਼ੀ ਉਨ੍ਹਾਂ ਦੇ ਨਾਂਅ ਰਹੀ | ਦੂਜੇ ਸਥਾਨ 'ਤੇ ਰਾਕੇਸ਼ ਕੋਹਲੀ, ਤੀਜੇ ਸਥਾਨ 'ਤੇ ਸੰਜੀਵ ਕੁਮਾਰ, ਚੌਥੇ ਸਥਾਨ 'ਤੇ ਦਿਵਿਆ ਮਹਾਜਨ ਅਤੇ ਪੰਜਵੇਂ ਸਥਾਨ 'ਤੇ ਸ਼ਿਵਾਂਸ਼ ਰਹੇ |
