ਧਾਰੀਵਾਲ, 22 ਅਕਤੂਬਰ (ਸਵਰਨ ਸਿੰਘ)-ਇਥੋਂ ਨਜ਼ਦੀਕੀ ਪਿੰਡ ਬੱਬਰੀ ਨੰਗਲ ਵਾਸੀ ਕੁਲਦੀਪ ਮਸੀਹ ਪੁੱਤਰ ਬਚਨ ਮਸੀਹ ਨੇ ਧਾਰੀਵਾਲ ਇਕ ਮਿਲਣੀ ਦੌਰਾਨ ਦੱਸਿਆ ਕਿ ਦੀਵਾਲੀ ਵਾਲੇ ਦਿਨ ਕਿਸੇ ਪਾਸੇ ਤੋਂ ਆਈ ਹਵਾਈ (ਪਟਾਖ਼ੇ) ਦੇ ਕਾਰਨ ਉਸ ਦਾ ਸਬਜ਼ੀ ਵਾਲਾ ਸਾਮਾਨ ਤੇ ਕੋਠੇ ਦਾ ਕਾਫ਼ੀ ਨੁਕਸਾਨ ਹੋ ਗਿਆ ਹੈ | ਉਸ ਨੇ ਦੱਸਿਆ ਕਿ ਉਹ ਆਰਥਿਕ ਤੌਰ 'ਤੇ ਕਮਜ਼ੋਰ ਹੈ ਤੇ ਸਬਜ਼ੀ ਆਦਿ ਵਚਣ ਦਾ ਕੰਮ ਕਰਦਾ ਹੈ, ਪਰ ਜਿਸ ਕਮਰੇ ਵਿਚ ਪਲਾਸਟਿਕ ਦੇ ਕਰੇਟ ਅਤੇ ਹੋਰ ਸਬਜ਼ੀ ਨਾਲ ਸਬੰਧਿਤ ਸਾਮਾਨ ਰੱਖਿਆ ਨੂੰ ਦੀਵਾਲੀ ਦੀ ਕਿਸੇ ਪਾਸੇ ਤੋਂ ਆਏ ਹਵਾਈ (ਪਟਾਖ਼ੇ) ਨਾਲ ਅੱਗ ਲੱਗ ਗਈ | ਅੱਗ ਨੇ ਏਨਾ ਭਿਆਨਕ ਰੂਪ ਧਾਰ ਲਿਆ ਕਿ ਉਹ ਕੋਠਾ ਹੀ ਸੜ੍ਹ ਕੇ ਡਿੱਗ ਪਿਆ, ਜਿਸ ਵਿਚ ਪਿਆ ਸਾਮਾਨ ਵੀ ਸੜ ਕੇ ਸੁਆਹ ਹੋ ਗਿਆ | ਇਸ ਨੂੰ ਲੈ ਕੇ ਪਿੰਡ ਦੀ ਸਰਪੰਚ ਸੁਖਦੇਵ ਕੌਰ ਤੇ ਹੋਰ ਮੁਹਤਬਰਾਂ ਨੇ ਜ਼ਿਲ੍ਹਾ ਪ੍ਰਸਾਸ਼ਨ ਤੋਂ ਮੰਗ ਕੀਤੀ ਹੈ ਕਿ ਕੁਲਦੀਪ ਮਸੀਹ ਦੀ ਮਾਲੀ ਮਦਦ ਕੀਤੀ ਜਾਵੇ |
