ਅੰਮਿ੍ਤਸਰ, 16 ਜੂਨ (ਰਾਜੇਸ਼ ਕੁਮਾਰ ਸ਼ਰਮਾ)-ਦਿਵਯ ਜਯੋਤੀ ਜਾਗਿ੍ਤੀ ਸੰਸਥਾਨ ਵਲੋਂ ਰਾਮ ਮੰਦਰ ਸ਼ਿਵਾਲਾ ਬਾਗ ਭਾਈਆਂ ਵਿਖੇ ਸਤਿਸੰਗ ਪ੍ਰੋਗਰਾਮ ਕਰਵਾਇਆ ਗਿਆ | ਇਸ ਸਤਿਸੰਗ 'ਚ ਸਾਧਵੀ ਬਿੰਦੂ ਭਾਰਤੀ ਨੇ ਅਧਿਆਤਮਿਕ ਸਿੱਖਿਆਵਾਂ ਦੇ ਆਧਾਰ 'ਤੇ 'ਅੰਤਰ ਗਿਆਨ ਅਤੇ ਆਤਮ-ਸੰਵਾਦ' ਵਿਸ਼ੇ 'ਤੇ ਪ੍ਰਵਚਨ ਦਿੰਦੇ ਹੋਏ ਕਿਹਾ ਕਿ ਆਤਮਾ ਨਾਲ ਜੁੜਨਾ ਕਿਸੇ ਬਾਹਰੀ ਸਾਧਨ ਰਾਹੀਂ ਨਹੀਂ, ਸਗੋਂ ਅੰਦਰਲੀ ਗਹਿਰਾਈ 'ਚ ਉਤਰ ਕੇ ਹੀ ਸੰਭਵ ਹੈ | ਜਦੋਂ ਮਨੁੱਖ ਆਪਣੇ ਆਪ ਨਾਲ ਗੱਲ ਕਰਨਾ ਸਿੱਖ ਜਾਂਦਾ ਹੈ, ਤਦੋਂ ਉਹ ਪ੍ਰਮਾਤਮਾ ਦੀ ਅਸਲੀ ਅਨੁਭੂਤੀ ਕਰ ਸਕਦਾ ਹੈ | ਉਨ੍ਹਾਂ ਕਿਹਾ ਕਿ ਅੱਜ ਦਾ ਯੁੱਗ ਸਾਨੂੰ ਬਾਹਰਲੀ ਦੁਨੀਆ 'ਚ ਵਿਅਸਤ ਰੱਖਦਾ ਹੈ, ਪਰ ਸੱਚੀ ਸ਼ਾਂਤੀ ਅਤੇ ਆਨੰਦ ਅੰਦਰਲੇ ਮੌਨ 'ਚ ਲੁਕੇ ਹੋਏ ਹਨ | ਸਤਿਸੰਗ ਦਾ ਮਕਸਦ ਕੇਵਲ ਸੁਣਨਾ ਨਹੀਂ, ਸਗੋਂ ਆਪਣੇ ਆਪ ਨੂੰ ਜਾਣਨ ਵੱਲ ਇਕ ਕਦਮ ਵਧਾਉਣਾ ਹੈ | ਸਤਿਸੰਗ ਅਤੇ ਸਾਧਨਾ ਆਤਮਾ ਨੂੰ ਨਿਰਮਲਤਾ ਵੱਲ ਲੈ ਜਾਂਦੇ ਹਨ | ਇਸ ਸਮਾਗਮ 'ਚ ਭਜਨਾ ਦੀ ਮਿਠੀ ਪੇਸ਼ਕਾਰੀ ਨੇ ਸਾਰੇ ਮਾਹੌਲ ਨੂੰ ਪੂਰਨ ਤੌਰ 'ਤੇ ਆਤਮਿਕ ਬਣਾ ਦਿੱਤਾ |