ਅੰਮਿ੍ਤਸਰ, 17 ਜੂਨ (ਰਾਜੇਸ਼ ਕੁਮਾਰ ਸ਼ਰਮਾ)-ਜੀ. ਐੱਸ. ਟੀ. ਪ੍ਰੈਕਟੀਸ਼ਨਰਜ਼ ਐਸੋਸੀਏਸ਼ਨ (ਜੀ. ਐੱਸ. ਟੀ. ਪੀ. ਏ.) ਦੀ ਮੀਟਿੰਗ ਜ਼ਿਲ੍ਹਾ ਕੰਪਲੈਕਸ ਸਥਿਤ ਦਫ਼ਤਰ ਵਿਖੇ ਹੋਈ | ਮੀਟਿੰਗ 'ਚ ਪ੍ਰਧਾਨ ਐਡਵੋਕੇਟ ਵਿਕਾਸ ਖੰਨਾ, ਜਨਰਲ ਸਕੱਤਰ ਐਡਵੋਕੇਟ ਸੁਨੀਲ ਅਰੋੜਾ ਨੇ 16 (4) ਨਾਲ ਸੰਬੰਧਤ ਲੰਬਿਤ ਸੁਧਾਰ, ਰਿਵਰਸਲਾਂ ਲਈ ਗੈਰ-ਕਾਨੂੰਨੀ ਅਤੇ ਬੇਲੋੜਾ ਦਬਾਅ, ਆਈ. ਐੱਫ. ਐੱਮ. ਐੱਸ. ਡੇਟਾ ਅਨੁਸਾਰ ਜਾਰੀ ਕੀਤੇ ਨਵੇਂ ਨੋਟਿਸ, ਵੈਟ ਅਤੇ ਜੀ. ਐੱਸ. ਟੀ. ਰਿਫੰਡ ਲੰਬਿਤ ਅਤੇ ਅਧਿਕਾਰ ਖੇਤਰ ਤੋਂ ਬਾਹਰ ਜਾਰੀ ਕੀਤੇ ਗਏ ਨੋਟਿਸ ਆਦਿ ਮੱੁਦਿਆਂ 'ਤੇ ਵਿਚਾਰਾਂ ਕੀਤੀਆਂ ਗਈਆਂ | ਉਨ੍ਹਾਂ ਕਿਹਾ ਕਿ ਉਪਰੋਕਤ ਮੁੱਦਿਆਂ ਨੂੰ ਜਲਦੀ ਹੀ ਸੰਬੰਧਤ ਅਧਿਕਾਰੀਆਂ ਨੂੰ ਲਿਖਤੀ ਤੌਰ 'ਤੇ ਦਿੱਤਾ ਜਾਵੇਗਾ | ਤਾਂ ਜੋ ਇਨ੍ਹਾਂ ਦਾ ਹੱਲ ਹੋ ਸਕੇ | ਇਸ ਮੌਕੇ ਉਪ ਪ੍ਰਧਾਨ ਐਡਵੋਕੇਟ ਰਜਨੀਸ਼ ਖੰਨਾ, ਐਡਵੋਕੇਟ ਗੁਰਪ੍ਰੀਤ ਗਰੋਵਰ, ਐਡਵੋਕੇਟ ਨਵੀਨ ਸਹਿਗਲ, ਸੀ. ਏ. ਰਾਕੇਸ਼ ਚਾਵਲਾ, ਸੀ. ਏ. ਮਨੋਜ ਕੁਮਾਰ, ਅਸ਼ੋਕ ਭਾਟੀਆ, ਸੀ. ਏ. ਯਥਾਰਥ ਸਹਿਗਲ ਆਦਿ ਮੈਂਬਰ ਹਾਜ਼ਰ ਸਨ |
