ਅੰਮਿ੍ਤਸਰ, 22 ਅਕਤੂਬਰ (ਰੇਸ਼ਮ ਸਿੰਘ)- ਰਾਮ ਬਾਗ ਖੇਤਰ 'ਚ ਇਕ ਦੁਕਾਨ ਨੂੰ ਚੋਰਾਂ ਵਲੋਂ ਨਿਸ਼ਾਨਾ ਬਣਾਇਆ ਗਿਆ ਤੇ ਚੋਰਾਂ ਨੇ ਦੁਕਾਨ ਦੇ ਗੱਲੇ 'ਚੋਂ 45 ਹਜ਼ਾਰ ਦੀ ਚੋਰੀ ਕਰ ਲਈ | ਇਹ ਮਾਮਲਾ ਥਾਣਾ ਏ. ਡਵੀਜ਼ਨ ਦੀ ਪੁਲਿਸ ਵਲੋਂ ਦਰਜ ਕਰ ਲਿਆ ਗਿਆ ਹੈ | ਗਲੀ ਮਾਲ ਰੋਡ ਵਾਲੀ ਦੇ ਰਹਿਣ ਵਾਲੇ ਦੁਕਾਨਦਾਰ ਜਗਜੀਤ ਸਿੰਘ ਨੇ ਦਸਿਆ ਕਿ ਉਸਦੀ ਦੁਕਾਨ ਇਥੇ ਭਗਤ ਸਿੰਘ ਮਾਰਕੀਟ ਵਿਖੇ ਹੈ ਅਤੇ ਦੁਕਾਨ ਦਾ ਨੰਬਰ 83-84 ਹੈ ਉਸ ਦੁਕਾਨ 'ਤੇ ਬੈਗ ਵੇਚਣ ਦਾ ਕੰਮ ਕਰਦਾ ਹੈ ਅਤੇ ਬੀਤੇ ਦਿਨ ਸ਼ਾਮ ਨੂੰ ਜਦੋਂ ਉਹ ਆਪਣੀ ਦੁਕਾਨ ਬੰਦ ਕਰਕੇ ਚਲਿਆ ਗਿਆ ਸੀ ਜਦੋਂ ਕਿ ਸਵੇਰੇ 10 ਵਜੇ ਦੁਕਾਨ ਖੋਲੀ ਤਾਂ ਉਸਦੀ ਦੁਕਾਨ 'ਚ ਚੋਰੀ ਹੋ ਚੁੱਕੀ ਸੀ | ਪੁਲਿਸ ਵਲੋਂ ਮਾਮਲਾ ਦਰਜ ਕਰਕੇ ਅਗਲੇਰੀ ਕਾਰਵਾਈ ਸ਼ੁਰੂ ਕਰ ਦਿੱਤੀ ਹੈ |