ਅੰਮਿ੍ਤਸਰ, 4 ਨਵੰਬਰ (ਰਾਜੇਸ਼ ਕੁਮਾਰ ਸ਼ਰਮਾ)-ਸੱਦੀ ਭਾਈਚਾਰੇ ਦੇ ਜਠੇਰਿਆਂ ਦਾ ਸਲਾਨਾ ਮੇਲਾ ਬੜੀ ਧੂਮਧਾਮ ਨਾਲ ਮਨਾਇਆ ਗਿਆ | ਇਸ ਮੌਕੇ ਵੱਖ-ਵੱਖ ਰਾਜਾਂ ਤੋਂ ਆਏ ਪਰਿਵਾਰਾਂ ਨੇ ਜਠੇਰਿਆਂ ਦੀ ਪੂਜਾ ਅਤੇ ਹੋਰ ਧਾਰਮਿਕ ਰਸਮਾਂ 'ਚ ਹਿੱਸਾ ਲਿਆ | ਮੇਲਾ ਝੰਡਾ ਲਹਿਰਾਉਣ ਦੀ ਰਸਮ ਨਾਲ ਸ਼ੁਰੂ ਹੋਇਆ, ਜਿਸ ਦੌਰਾਨ ਸ਼ਰਧਾਲੂਆਂ ਨੇ ਭਜਨ ਗਾਏ ਅਤੇ ਜਠੇਰਿਆਂ ਅਤੇ ਸਤੀ ਮਾਤਾ ਦੀ ਮਹਿਮਾ ਦਾ ਗੁਣਗਾਨ ਕੀਤਾ | ਮੰਦਰ ਕਮੇਟੀ ਦੇ ਸੇਵਕ ਸ਼ੰਮੀ ਕੰਗ ਨੇ ਕਿਹਾ ਕਿ ਉਹ ਵੰਡ ਤੋਂ ਪਹਿਲਾਂ ਤੋਂ ਹੀ ਆਪਣੇ ਪਰਿਵਾਰ ਨਾਲ ਇਸ ਸਥਾਨ 'ਤੇ ਆਉਂਦੇ ਆ ਰਹੇ ਹਨ | ਵਿਦੇਸ਼ਾਂ ਤੋਂ ਸ਼ਰਧਾਲੂਆਂ ਦੀ ਆਮਦ ਬਾਬਾ ਦੀ ਸ਼ਰਧਾ ਦਾ ਪ੍ਰਮਾਣ ਹੈ | ਇਸ ਮੌਕੇ ਦਰਸ਼ਨ ਸੱਦੀ, ਨਰਿੰਦਰ ਕੁਮਾਰ ਸੱਦੀ, ਅਸ਼ੋਕ ਕੁਮਾਰ, ਚਿਤ ਲਾਲ, ਸੁਦੇਸ਼ ਕੁਮਾਰ, ਰਾਕੇਸ਼ ਸ਼ਰਮਾ, ਪ੍ਰਦਿਊਮਨ ਕੁਮਾਰ, ਅਮੋਲਕ ਚੰਦ, ਹੀਰਾ ਲਾਲ, ਹੈਪੀ ਕੰਗ, ਪ੍ਰੋ. ਸੰਦੀਪ ਕੁਮਾਰ, ਮੋਨਿਕਾ ਸ਼ਰਮਾ, ਪਰਾਗ ਸ਼ਰਮਾ ਵਿਸ਼ੇਸ਼ ਤੌਰ 'ਤੇ ਮੌਜੂਦ ਸਨ |
