ਖੰਨਾ, 20 ਜੂਨ (ਹਰਜਿੰਦਰ ਸਿੰਘ ਲਾਲ)-ਫੁੱਟਵੀਅਰ ਐਸੋਸੀਏਸ਼ਨ ਖੰਨਾ ਦੇ ਅਹੁਦੇਦਾਰਾਂ ਦੀ ਇਕ ਵਿਸ਼ੇਸ਼ ਮੀਟਿੰਗ ਸੇਠੀ ਕਲਾਥ ਹਾਊਸ ਕਰਨੈਲ ਸਿੰਘ ਰੋਡ, ਖੰਨਾ ਵਿਖੇ ਸੂਰਬੀਰ ਸਿੰਘ ਸੇਠੀ ਪ੍ਰਧਾਨ ਖੰਨਾ ਕਲਾਥ ਮਰਚੈਂਟ ਐਸੋਸੀਏਸ਼ਨ ਅਤੇ ਬਿਪਨ ਚੰਦਰ ਗੈਂਦ ਪ੍ਰਧਾਨ ਦੀ ਅਗਵਾਈ ਹੇਠ ਹੋਈ | ਜਿਸ ਵਿਚ ਸਮੂਹ ਦੁਕਾਨਦਾਰਾਂ ਨੂੰ ਆਉਣ ਵਾਲੀਆਂ ਦਰਪੇਸ਼ ਮੁਸ਼ਕਲਾਂ ਤੇ ਵਿਚਾਰ ਵਟਾਂਦਰਾ ਕੀਤਾ ਗਿਆ | ਇਸ ਮੀਟਿੰਗ ਵਿਚ ਫੁੱਟਵੀਅਰ ਐਸੋਸੀਏਸ਼ਨ ਨੂੰ ਭੰਗ ਕਰਕੇ ਨਵੇਂ ਅਹੁਦੇਦਾਰਾਂ ਨੂੰ ਚੁਣਿਆ ਗਿਆ | ਜਿਸ ਵਿਚ ਵਿਊਮ ਸ਼ਰਮਾ ਨੂੰ ਖੰਨਾ ਫੁੱਟਵੀਅਰ ਐਸੋਸੀਏਸ਼ਨ ਖੰਨਾ ਦਾ ਪ੍ਰਧਾਨ ਥਾਪਿਆ ਗਿਆ ਅਤੇ ਟਿੰਕੂ ਨੂੰ ਚੇਅਰਮੈਨ ਬਣਾਇਆ ਗਿਆ ਹੈ | ਇਸ ਮੌਕੇ ਨਵਨਿਯੁਕਤ ਵਿਊਮ ਸ਼ਰਮਾ ਨੇ ਕਿਹਾ ਕਿ ਸਮੂਹ ਦੁਕਾਨਦਾਰਾਂ ਨੂੰ ਆਉਣ ਵਾਲੀਆਂ ਮੁਸ਼ਕਲਾਂ ਦਾ ਪਹਿਲ ਦੇ ਅਧਾਰ ਤੇ ਹੱਲ ਕੀਤਾ ਜਾਵੇਗਾ | ਕਿਸੇ ਵੀ ਦੁਕਾਨਦਾਰ ਨੂੰ ਕੋਈ ਮੁਸ਼ਕਲ ਨਹੀ ਆਉਣ ਦਿੱਤੀ ਜਾਵੇਗੀ | ਇਸ ਮੌਕੇ ਸੰਜੀਵ ਕੁਮਾਰ ਕਿੱਟੂ ਰਾਜੂ ਬੱਤਾ, ਸੋਨੂੰ ਮਦਾਨ, ਅਮਰ ਸਿੰਘ ਨਾਗਪਾਲ, ਕਲਮ ਨਾਰੰਗ, ਨੀਰਜ ਮਾਟਾ, ਜੋਲੀ ਸ਼ਰਮਾ, ਕਿ੍ਸ਼ਨ ਲਾਲ, ਰੋਹਿਤ ਮਹਿਤਾ, ਜਤਿੰਦਰ ਕੁਮਾਰ ਅਤੇ ਵਾਲੀਆ ਜੀ ਹਾਜ਼ਰ ਸਨ |
