ਪੰਚਕੂਲਾ, 15 ਜੂਨ (ਕਪਿਲ)-ਪਿੰਜੌਰ ਦੇ ਮੜਾਵਾਲਾ ਇਲਾਕੇ 'ਚ ਸਨਿਚਰਵਾਰ ਦੇਰ ਰਾਤ ਇਕ ਮਹਿਲਾ 'ਤੇ ਉਸ ਦੇ ਪੁਰਸ਼ ਦੋਸਤ ਨੇ ਨੁਕੀਲੀ ਚੀਜ਼ ਨਾਲ ਜਾਨਲੇਵਾ ਹਮਲਾ ਕਰ ਦਿੱਤਾ | ਦੱਸਿਆ ਜਾ ਰਿਹਾ ਹੈ ਕਿ ਦੋਨਾਂ ਦੇ ਵਿਚਕਾਰ ਕਿਸੇ ਗੱਲ ਨੂੰ ਲੈ ਕੇ ਬਹਿਸ ਹੋ ਗਈ ਸੀ, ਜਿਸ ਤੋਂ ਬਾਅਦ ਨੌਜਵਾਨ ਨੇ ਮਹਿਲਾ ਦੇ ਗਲੇ 'ਤੇ ਨੁਕੀਲੀ ਚੀਜ਼ ਨਾਲ ਕਈ ਵਾਰ ਕਰ ਦਿੱਤੇ | ਘਟਨਾ ਤੋਂ ਬਾਅਦ ਜ਼ਖ਼ਮੀ ਮਹਿਲਾ ਨੂੰ ਪਹਿਲਾਂ ਨਾਨਕਪੁਰ ਹਸਪਤਾਲ ਲਜਾਇਆ ਗਿਆ, ਜਿਥੇ ਉਸ ਦੀ ਹਾਲਤ ਗੰਭੀਰ ਦੇਖਦੇ ਹੋਏ ਸੈਕਟਰ 6 ਜਨਰਲ ਹਸਪਤਾਲ ਰੈਫਰ ਕਰ ਦਿੱਤਾ ਗਿਆ | ਮਹਿਲਾ ਦਾ ਫਿਲਹਾਲ ਇਲਾਜ ਚੱਲ ਰਿਹਾ ਹੈ | ਮੁੱਢਲੀ ਜਾਣਕਾਰੀ ਦੇ ਅਨੁਸਾਰ ਮਹਿਲਾ ਆਪਣੇ ਕੁੱਝ ਦੋਸਤਾਂ ਦੇ ਨਾਲ ਹਿਮਾਚਲ ਘੁੰਮਣ ਆਈ ਸੀ | ਉਹ ਪਿੰਜੋਰ ਦੇ ਮੜਾਵਾਲਾ 'ਚ ਆਪਣੇ ਜਾਣਕਾਰ ਦੇ ਕੋਲ ਰੁਕੇ ਸੀ | ਦੇਰ ਰਾਤ ਕਿਸੇ ਗੱਲ ਨੂੰ ਲੈ ਕੇ ਬਹਿਸ ਹੋਈ ਜੋ ਕਿ ਹਿੰਸਕ ਰੂਪ ਲੈ ਗਈ | ਫਿਲਹਾਲ ਪੁਲਿਸ ਮੌਕੇ 'ਤੇ ਪਹੁੰਚ ਕੇ ਮਾਮਲੇ ਦੀ ਜਾਂਚ ਵਿਚ ਜੁੱਟ ਗਈ ਹੈ |