ਚੰਡੀਗੜ੍ਹ / ਸਾਹਿਬਜ਼ਾਦਾ ਅਜੀਤ ਸਿੰਘ ਨਗਰ

ਡੱਡੂਮਾਜਰਾ ਕਾਲੋਨੀ ਦਾ ਵਫ਼ਦ ਸੰਸਦ ਮੈਂਬਰ ਮਨੀਸ਼ ਤਿਵਾੜੀ ਤੇ ਚੰਡੀਗੜ੍ਹ ਟਰੈਫ਼ਿਕ ਪੁਲਿਸ ਦੇ ਐੱਸ. ਐੱਸ. ਪੀ. ਨੂੰ ਮਿਲਿਆ

ਡੱਡੂਮਾਜਰਾ ਕਾਲੋਨੀ ਦਾ ਵਫ਼ਦ ਚੰਡੀਗੜ੍ਹ ਤੋਂ ਸੰਸਦ ਮੈਂਬਰ ਮਨੀਸ਼ ਤਿਵਾੜੀ ਨੂੰ ਮੰਗ-ਪੱਤਰ ਸੌਂਪਦੇ ਹੋਏ | ਤਸਵੀਰ : ਕਮਲਜੀਤ ਸਿੰਘ <br/> 19-06-2025

ਚੰਡੀਗੜ੍ਹ, 18 ਜੂਨ (ਕਪਿਲ ਵਧਵਾ)-ਡੱਡੂ ਮਾਜਰਾ ਕਾਲੋਨੀ ਦੇ ਵਫ਼ਦ ਨੇ ਕਾਲੋਨੀ ਦੀਆਂ ਗੰਭੀਰ ਸਮੱਸਿਆਵਾਂ ਸਬੰਧੀ ਚੰਡੀਗੜ੍ਹ ਤੋਂ ਸੰਸਦ ਮੈਂਬਰ ਮਨੀਸ਼ ਤਿਵਾੜੀ ਅਤੇ ਚੰਡੀਗੜ੍ਹ ਟਰੈਫ਼ਿਕ ਪੁਲਿਸ ਦੇ ਐੱਸ. ਐੱਸ. ਪੀ. ਸੁਮੇਰ ਪ੍ਰਤਾਪ ਸਿੰਘ ਨੂੰ ਮੰਗ ਪੱਤਰ ਸੌਂਪਿਆ | ਕਾਲੋਨੀ ਦਾ ਵਫ਼ਦ ਪਹਿਲਾ ਸੰਸਦ ਮੈਂਬਰ ਮਨੀਸ਼ ਤਿਵਾੜੀ ਨੂੰ ਉਨ੍ਹਾਂ ਦੀ ਰਿਹਾਇਸ਼ ਵਿਖੇ ਮਿਲਿਆ ਜਿੱਥੇ ਉਨ੍ਹਾਂ ਡੱਡੂਮਾਜਰਾ ਕਾਲੋਨੀ ਨਾਲ ਸਬੰਧਤ ਕਈ ਸਮੱਸਿਆਵਾਂ ਰੱਖੀਆਂ, ਜਿਨ੍ਹਾਂ ਵਿਚ ਮੱੁਖ ਤੌਰ 'ਤੇ ਡੰਪਿੰਗ ਗਰਾਊਾਡ, ਖਸਤਾ ਹਾਲਤ ਸੜਕਾਂ, ਟੀ-ਪੁਆਇੰਟਾਂ 'ਤੇ ਟਰੈਫ਼ਿਕ ਲਾਈਟਾਂ ਦੀ ਲੋੜ, ਪਾਰਕਾਂ ਦੀ ਦੇਖਭਾਲ, ਸਫ਼ਾਈ ਪ੍ਰਣਾਲੀ, ਰਾਤ ਵੇਲੇ ਪੁਲਿਸ ਦੀ ਗਸ਼ਤ ਤੋਂ ਇਲਾਵਾ ਗ੍ਰੀਨ ਬੈਲਟ ਪਾਰਕ ਦੀ ਸਥਾਪਨਾ ਸ਼ਾਮਲ ਹਨ | ਵਫ਼ਦ ਦੇ ਨੁਮਾਇੰਦਿਆਂ ਨੇ ਸੰਸਦ ਮੈਂਬਰ ਦੇ ਧਿਆਨ ਹੇਠ ਕਰਵਾਇਆ ਕਿ ਗ੍ਰੀਨ ਬੈਲਟ ਪਾਰਕ ਲਈ ਪ੍ਰਸਤਾਵਿਤ ਜਗ੍ਹਾ ਨੂੰ ਇਸ ਸਮੇਂ ਹਫ਼ਤਾਵਾਰੀ ਕਿਸਾਨ ਮੰਡੀ ਵਜੋਂ ਵਰਤਿਆ ਜਾ ਰਿਹਾ ਹੈ | ਉਨ੍ਹਾਂ ਦੱਸਿਆ ਕਿ ਸਾਰੇ ਕਾਲੋਨੀ ਵਾਸੀਆਂ ਦੀ ਇਹ ਬੇਨਤੀ ਹੈ ਕਿ ਪਾਰਕ ਯੋਜਨਾ ਨੂੰ ਤਰਜੀਹ ਦਿੰਦਿਆਂ ਇਸ ਖੇਤਰ ਵਿਚ ਵਿਕਾਸ ਕਾਰਜ ਜਲਦ ਤੋਂ ਜਲਦ ਸ਼ੁਰੂ ਕੀਤੇ ਜਾਣ | ਸਾਂਸਦ ਮਨੀਸ਼ ਤਿਵਾੜੀ ਨੇ ਵਫ਼ਦ ਦੀਆਂ ਸਮੱਸਿਆਵਾਂ ਨੂੰ ਗੰਭੀਰਤਾ ਨਾਲ ਸੁਣਨ ਉਪਰੰਤ ਵਫ਼ਦ ਨੂੰ ਜਲਦੀ ਕੋਈ ਹੱਲ ਕਰਨ ਦਾ ਭਰੋਸਾ ਦਿੱਤਾ | ਇਸ ਤੋਂ ਬਾਅਦ ਵਫ਼ਦ ਦੇ ਮੈਂਬਰ ਚੰਡੀਗੜ੍ਹ ਟਰੈਫ਼ਿਕ ਪੁਲਿਸ ਦੇ ਐੱਸ. ਐੱਸ. ਪੀ. ਨੂੰ ਮਿਲਣ ਲਈ ਪਹੁੰਚੇ | ਉਨ੍ਹਾਂ ਨੇ ਐੱਸ. ਐੱਸ. ਪੀ. ਸੁਮੇਰ ਪ੍ਰਤਾਪ ਸਿੰਘ ਨੂੰ ਡੱਡੂਮਾਜਰਾ ਕਾਲੋਨੀ ਦੇ ਟੀ-ਪੁਆਇੰਟ 'ਤੇ ਟਰੈਫ਼ਿਕ ਲਾਈਟਾਂ ਦੀ ਸਖ਼ਤ ਜ਼ਰੂਰਤ ਬਾਰੇ ਜਾਣੂ ਕਰਵਾਇਆ, ਇਸਦੇ ਨਾਲ ਹੀ ਭਾਰੀ ਵਾਹਨਾਂ ਦੀ ਆਵਾਜਾਈ 'ਤੇ ਪਾਬੰਦੀ ਦੀ ਵੀ ਮੰਗ ਕੀਤੀ | ਉਨ੍ਹਾਂ ਨੇ ਕਾਲੋਨੀ ਦੇ ਪ੍ਰਵੇਸ਼ ਸਥਾਨਾਂ 'ਤੇ ਬੈਰੀਕੇਡ ਲਗਾਉਣ ਦੀ ਵੀ ਬੇਨਤੀ ਕੀਤੀ ਤਾਂ ਜੋ ਕਾਲੋਨੀ ਨਿਵਾਸੀਆਂ ਨੂੰ ਟਰੈਫ਼ਿਕ ਸੰਬੰਧੀ ਸਮੱਸਿਆਵਾਂ ਤੋਂ ਰਾਹਤ ਮਿਲ ਸਕੇ | ਇਸ ਮੌਕੇ ਮੌਜੂਦ ਵਾਰਡ ਨੰਬਰ-26 ਦੇ ਚੇਅਰਮੈਨ ਹਰਜਿੰਦਰ ਸਿੰਘ ਪਿ੍ੰਸ ਨੇ ਵਫ਼ਦ ਵਿਚ ਸ਼ਾਮਲ ਸੁਰੇਂਦਰ ਪਾਲ, ਅਮਨ ਸਲੈਚ, ਰਵੀ, ਰਾਮ ਬਾਬੂ, ਜੀਤ ਰਾਮ, ਬਲਬੀਰ, ਬਹਾਦਰ ਚੰਦ ਅਤੇ ਰਤਨ ਪਾਲ ਸਿੰਘ ਨਾਲ ਸੰਸਦ ਮੈਂਬਰ ਮਨੀਸ਼ ਤਿਵਾੜੀ ਅਤੇ ਐੱਸ. ਐੱਸ. ਪੀ. ਸੁਮੇਰ ਪ੍ਰਤਾਪ ਸਿੰਘ ਨੂੰ ਕਾਲੋਨੀ ਦੀਆਂ ਸਮੂਹ ਸਮੱਸਿਆਵਾਂ ਬਾਰੇ ਜਾਣੂ ਕਰਵਾਉਣ ਉਪਰੰਤ ਜਲਦ ਤੋਂ ਜਲਦ ਉਪਰਾਲੇ ਦੀ ਮੰਗ ਕੀਤੀ ਹੈ |

ਪਿਛਲੀ ਖ਼ਬਰ ਚੰਡੀਗੜ੍ਹ ਪ੍ਰਸ਼ਾਸਨ ਵਲੋਂ ਆਦਰਸ਼ ਕਾਲੋਨੀ 'ਚ ਕੀਤੇ ਨਾਜਾਇਜ਼ ਕਬਜ਼ਿਆਂ ਵਿਰੁੱਧ ਅੱਜ ਕੀਤੀ ਜਾਵੇਗੀ ਕਾਰਵਾਈ <br/>... ਅਗਲੀ ਖ਼ਬਰ ਸੈਕਟਰ 46 'ਚ ਮੰਦਰ ਢਾਹੁਣ ਪੁੱਜੀ ਨਿਗਮ ਟੀਮ ਬੇਰੰਗ ਪਰਤੀ <br/>

Subscribers Only Story

ਇਸ ਖ਼ਬਰ ਨੂੰ ਪੂਰਾ ਪੜ੍ਹਨ ਲਈ ਸਬਸਕ੍ਰਾਈਬਰ ਲਾਗਇਨ ਕਰੋ।

ਡੱਡੂਮਾਜਰਾ ਕਾਲੋਨੀ ਦਾ ਵਫ਼ਦ ਸੰਸਦ ਮੈਂਬਰ ਮਨੀਸ਼ ਤਿਵਾੜੀ ਤੇ ਚੰਡੀਗੜ੍ਹ ਟਰੈਫ਼ਿਕ ਪੁਲਿਸ ਦੇ ਐੱਸ. ਐੱਸ. ਪੀ. ਨੂੰ ਮਿਲਿਆ

Subscribers Only Story

ਸੰਬੰਧਿਤ ਖ਼ਬਰਾਂ