ਸਰਦੂਲਗੜ੍ਹ, 19 ਜੂਨ (ਜੀ.ਐਮ.ਅਰੋੜਾ)-ਇਜ਼ਰਾਈਲ ਵਲੋਂ ਫ਼ਲਸਤੀਨੀਆਂ ਦੇ ਨਸਲਘਾਤ ਅਤੇ ਉਜਾੜੇ ਦੇ ਵਿਰੋਧ 'ਚ ਆਰ.ਐਮ.ਪੀ.ਆਈ ਵਲੋਂ ਸਥਾਨਕ ਬੱਸ ਸਟੈਂਡ ਨੇੜੇ ਰੋਸ ਮਾਰਚ ਕਰਕੇ ਅਮਰੀਕਾ ਦੀ ਟਰੰਪ ਜੁੰਡਲੀ ਅਤੇ ਇਜ਼ਰਾਈਲ ਦੇ ਵਿਰੁੱਧ ਤਿੱਖੀ ਨਾਅਰੇਬਾਜ਼ੀ ਕੀਤੀ ਗਈ | ਪਾਰਟੀ ਦੇ ਜ਼ਿਲ੍ਹਾ ਸਕੱਤਰ ਲਾਲ ਚੰਦ ਸਰਦੂਲਗੜ੍ਹ, ਕਾ. ਗੁਰਦੇਵ ਸਿੰਘ ਲੋਹਗੜ੍ਹ ਤੇ ਆਤਮਾ ਰਾਮ ਨੇ ਫ਼ਲਸਤੀਨੀ ਲੋਕਾਂ ਨਾਲ ਇੱਕਜੁੱਟਤਾ ਦਾ ਪ੍ਰਗਟਾਵਾ ਕਰਦਿਆਂ ਮੰਗ ਕੀਤੀ ਕਿ ਨਿਹੱਕੀ ਤੇ ਇਕਤਰਫਾ ਜੰਗ ਤੁਰੰਤ ਬੰਦ ਕਰਨ ਦੇ ਨਾਲ ਹੀ ਇਜ਼ਰਾਈਲ ਵਲੋਂ ਫ਼ਲਸਤੀਨ ਦਾ ਕਬਜ਼ਾ ਕੀਤਾ ਖੇਤਰ ਇੰਚ ਇੰਚ ਖ਼ਾਲੀ ਕੀਤਾ ਜਾਵੇ | ਉਨ੍ਹਾਂ ਹਸਪਤਾਲ, ਸਕੂਲਾਂ, ਰਿਹਾਇਸ਼ੀ ਖੇਤਰਾਂ 'ਚ ਕੀਤੇ ਜਾ ਰਹੇ ਬੰਬਾਂ ਰਾਹੀਂ ਮਾਰੇ ਜਾ ਰਹੇ ਬੱਚੇ, ਅÏਰਤਾਂ ਅਤੇ ਆਮ ਜਨਤਾ ਦੇ ਮਾਰਨ ਦੀ ਸਖ਼ਤ ਸ਼ਬਦਾਂ ਵਿਚ ਨਿੰਦਾ ਕੀਤੀ | ਇਸ ਮੌਕੇ ਮਾ. ਹਰਜੰਟ ਸਿੰਘ, ਕਾਲਾ ਸ਼ਰਮਾ, ਕੇਵਲ ਸਿੰਘ, ਰਵਿੰਦਰ ਰਵੀ, ਸੁਖਦੇਵ ਸਿੰਘ, ਗੁਰਤੇਜ ਸਿੰਘ ਰੋੜਕੀ, ਲਾਭ ਸਿੰਘ, ਮੰਗਤ ਰਾਮ ਕਰੰਡੀ, ਹਰਬੰਸ ਸਿੰਘ, ਰਣਵੀਰ ਸਿੰਘ ਜੈਨ, ਵਿਨੋਦ ਕੁਮਾਰ ਖੈਰਾ ਆਦਿ ਹਾਜ਼ਰ ਸਨ |
