16-11-2026
ਅੱਖਰ:
ਵਿਚਾਰ ਪ੍ਰਵਾਹ
ਪ੍ਰਕਾਸ਼ਿਤ: 21-06-2025

ਯੋਗਾ ਮਾਹਿਰ ਸੁਨੈਨਾ ਰੇਖੀ ਨੇ ਕੀਤੀ ਸ਼ਿਰਕਤ ਫਿੱਕੀ ਫਲੋ ਨੇ ਅੰਤਰਰਾਸ਼ਟਰੀ ਯੋਗ ਦਿਵਸ ਮੌਕੇ 'ਇਨਹੇਲ-ਐਕਸਹੇਲ' ਸਮਾਗਮ ਕਰਵਾਇਆ

ਕੌਮਾਂਤਰੀ ਯੋਗਾ ਦਿਵਸ ਮੌਕੇ ਆਸਣ ਕਰਦੀ ਹੋਈ ਯੋਗਾ ਮਾਹਿਰ ਸੁਨੈਣਾ ਰੇਖੀ | <br/> ਯੋਗ ਆਸਣ ਕਰਦੀ ਹੋਈ ਫਿੱਕੀ ਫਲੋ ਦੀ ਚੇਅਰਪਰਸਨ ਮੋਨਾ ਸਿੰਘ | ਤਸਵੀਰਾਂ : ਨਿਰਮਲ ਸਟੂਡੀਓ <br/> ਕੌਮਾਂਤਰੀ ਯੋਗਾ ਦਿਵਸ ਮੌਕੇ ਵੱਖ-ਵੱਖ ਆਸਣ ਕਰਦੀਆਂ ਹੋਈਆਂ ਮਹਿਲਾਵਾਂ | ਤਸਵੀਰਾਂ : ਨਿਰਮਲ ਸਟੂਡੀਓ <br/> ਕੌਮਾਂਤਰੀ ਯੋਗਾ ਦਿਵਸ ਮੌਕੇ ਯੋਗਾ ਗੁਰੂ ਸੁਨੈਨਾ ਰੇਖੀ ਨੂੰ ਸਨਮਾਨਿਤ ਕਰਦੇ ਹੋਏ ਚੇਅਰਪਰਸਨ ਮੋਨਾ ਸਿੰਘ, ਸਿਖਾ ਸਰੀਨ, ਮੀਤਾ ਮਹਿਰਾ, ਹਿਮਾਨੀ ਅਰੋੜਾ, ਆਰੂਸ਼ੀ ਵਰਮਾ, ਅਰਵੀਨਾ ਸੋਨੀ ਤੇ ਹੋਰ | <br/> 21-06-2025
ਅੰਮਿ੍ਤਸਰ, 20 ਜੂਨ (ਸੁਰਿੰਦਰਪਾਲ ਸਿੰਘ ਵਰਪਾਲ)-ਔਰਤਾਂ ਦੀ ਪ੍ਰਮੁੱਖ ਸੰਸਥਾ ਫਿੱਕੀ ਫਲੋ ਵਲੋਂ ਚੇਅਰਪਰਸਨ ਮੋਨਾ ਸਿੰਘ ਦੀ ਅਗਵਾਈ ਹੇਠ ਅੰਤਰਰਾਸ਼ਟਰੀ ਯੋਗਾ ਦਿਵਸ ਮੌਕੇ 'ਇਨਹੇਲ-ਐਕਸਹੇਲ' ਵਿਸ਼ੇ ਤਹਿਤ ਯੋਗਾ ਸਮਾਗਮ ਕਰਵਾਇਆ | ਇਹ ਸਮਾਗਮ ਸੰਯੁਕਤ ਰਾਸ਼ਟਰ ਦੇ ਗਲੋਬਲ ਥੀਮ 'ਇਕ ਧਰਤੀ, ਇਕ ਸਿਹਤ' ਅਤੇ ਫਲੋ ਅੰਮਿ੍ਤਸਰ ਦੇ ਸਾਲ 20205 ਲਈ ਮਾਰਗਦਰਸ਼ਕ ਦਿ੍ਸ਼ਟੀਕੋਣ-ਅਨੰਤਤਾ ਦਾ ਸਾਲ ਦੇ ਅਨੁਸਾਰ ਸੀ | ਇਸ ਸੈਸ਼ਨ ਦੀ ਅਗਵਾਈ ਪ੍ਰਸਿੱਧ ਯੋਗ ਅਭਿਆਸੀ, ਸੁਨੈਨਾ ਰੇਖੀ, ਇਕ ਭਾਵਨਾਤਮਕ ਤੰਦਰੁਸਤੀ ਕੋਚ ਤੇ ਮਨ-ਸਰੀਰ ਥੈਰੇਪਿਸਟ ਅਤੇ ਅੰਤਰਰਾਸ਼ਟਰੀ ਯੋਗ ਦਿਵਸ ਲਈ ਨਿਊਯਾਰਕ 'ਚ ਸੰਯੁਕਤ ਰਾਸ਼ਟਰ ਹੈੱਡਕੁਆਰਟਰ 'ਚ ਦੇਸ਼ ਦੀ ਨੁਮਾਇੰਦਗੀ ਕਰਨ ਵਾਲੀ ਪਹਿਲੀ ਭਾਰਤੀ ਔਰਤ ਦੁਆਰਾ ਕੀਤੀ ਗਈ | 18 ਸਾਲਾਂ ਤੋਂ ਵੱਧ ਦੇ ਤਜਰਬੇ ਦੇ ਨਾਲ ਸ੍ਰੀਮਤੀ ਰੇਖੀ ਨੇ ਪ੍ਰਾਚੀਨ ਯੋਗਿਕ ਗਿਆਨ ਨੂੰ ਇਲਾਜ ਲਈ ਸਮਕਾਲੀ ਪਹੁੰਚਾਂ ਨਾਲ ਜੋੜਨ ਦੀ ਅਗਵਾਈ ਕੀਤੀ | ਇਸ ਵਿਸ਼ੇਸ਼ ਵਰਕਸ਼ਾਪ 'ਦ ਇਨਸਾਇਡ ਸਟਰੇਚ' ਪ੍ਰਤੀਭਾਗੀਆਂ ਨੂੰ ਭਾਵਨਾਤਮਕ ਤਣਾਅ ਮੁਕਤ ਕਰਨ, ਦਿਮਾਗੀ ਪ੍ਰਣਾਲੀ ਨੂੰ ਨਿਯਮਤ ਕਰਨ ਅਤੇ ਅੰਦਰੂਨੀ ਸੰਤੁਲਨ ਨੂੰ ਬਹਾਲ ਕਰਨ ਲਈ ਤਿਆਰ ਕੀਤੇ ਗਏ ਸੋਮੈਟਿਕ ਅਭਿਆਸਾਂ ਦੁਆਰਾ ਮਾਰਗਦਰਸ਼ਨ ਕੀਤਾ | ਨੌਜਵਾਨ ਵਿਦਿਆਰਥੀਆਂ ਦੁਆਰਾ ਯੋਗਾ ਨੂੰ ਸਮਰਪਿਤ ਪ੍ਰਭਾਵਸ਼ਾਲੀ ਪੇਸ਼ਕਾਰੀ ਦਿੱਤੀ ਗਈ | ਫਿੱਕੀ ਫਲੋ ਅੰਮਿ੍ਤਸਰ ਦੀ ਚੇਅਰਪਰਸਨ ਸ੍ਰੀਮਤੀ ਮੋਨਾ ਸਿੰਘ ਅਤੇ ਸ੍ਰੀਮਤੀ ਸੁਨੈਨਾ ਰੇਖੀ ਵਿਚਾਲੇ ਸੰਵਾਦ 'ਚ ਯੋਗਾ ਨੂੰ ਇਸਦੇ ਭੌਤਿਕ ਰੂਪ ਤੋਂ ਪਰੇ-ਜੀਵਨ ਦੇ ਦਰਸ਼ਨ, ਨਾਰੀ ਰੂਪ ਦੇ ਮਾਰਗ ਅਤੇ ਇਕ ਵਧਦੀ ਗੁੰਝਲਦਾਰ ਦੁਨੀਆ 'ਚ ਲਚਕੀਲੇਪਣ ਲਈ ਇਕ ਸਾਧਨ ਵਜੋਂ ਖੋਜਿਆ | ਇਸ ਮੌਕੇ ਚੇਅਰਪਰਸਨ ਮੋਨਾ ਸਿੰਘ ਨੇ ਕਿਹਾ ਕਿ ਅੱਜ ਦਾ ਸਮਾਗਮ ਸਿਰਫ਼ ਯੋਗਾ ਨੂੰ ਇਕ ਸਰੀਰਕ ਅਨੁਸ਼ਾਸਨ ਵਜੋਂ ਮਨਾਉਣ ਦਾ ਜਸ਼ਨ ਹੀ ਨਹੀਂ, ਸਗੋਂ ਆਪਣੇ ਆਪ ਨਾਲ ਅਤੇ ਵਾਤਾਵਰਨ ਨਾਲ ਜੁੜਣ ਅਤੇ ਮਨੁੱਖਤਾ ਦੇ ਸਾਂਝਾ ਚੇਤਨਾ ਨੂੰ ਅਨੁਭਵ ਕਰਨ ਦਾ ਸੱਦਾ ਸੀ | ਉਨ੍ਹਾਂ ਕਿਹਾ ਕਿ ਉਹ ਉਮੀਦ ਕਰਦੇ ਹਨ ਕਿ ਅੱਜ ਸਾਂਝਾ ਕੀਤੇ ਗਏ ਅਭਿਆਸ ਅਤੇ ਵਿਚਾਰ ਫਿੱਕੀ ਮੈਂਬਰਾਂ ਨੂੰ ਉਨ੍ਹਾਂ ਦੇ ਜੀਵਨ ਦੇ ਹਰ ਪਹਿਲੂ 'ਚ ਤੰਦਰੁਸਤੀ ਲਿਆਉਣ ਲਈ ਪ੍ਰੇਰਿਤ ਕਰਨਗੇ | ਇਸ ਮੌਕੇ ਸਿਖਾ ਸਰੀਨ, ਮੀਤਾ ਮਹਿਰਾ, ਹਿਮਾਨੀ ਅਰੋੜਾ, ਆਰੂਸ਼ੀ ਵਰਮਾ, ਅਰਵੀਨਾ ਸੋਨੀ ਤੇ ਪਿ੍ੰ: ਆਂਚਲ ਮਹਾਜਨ ਆਦਿ ਹਾਜ਼ਰ ਸਨ |
ਪਿਛਲੀ ਖ਼ਬਰ ਫਿੱਕੀ ਫਲੋ ਨੇ ਅੰਤਰਰਾਸ਼ਟਰੀ ਯੋਗ ਦਿਵਸ ਮੌਕੇ 'ਇਨਹੇਲ-ਐਕਸਹੇਲ' ਸਮਾਗਮ ਕਰਵਾਇਆ ਅਗਲੀ ਖ਼ਬਰ ਆਨਲਾਈਨ ਸਰਟੀਫਕੇਟ ਪ੍ਰਾਪਤ ਕਰਨ 'ਚ ਹੋ ਰਹੀ ਹੈ ਦੇਰੀ

Subscribers Only Story

ਇਸ ਖ਼ਬਰ ਨੂੰ ਪੂਰਾ ਪੜ੍ਹਨ ਲਈ ਸਬਸਕ੍ਰਾਈਬਰ ਲਾਗਇਨ ਕਰੋ।