ਕੋਟਕਪੂਰਾ, 21 ਸਤੰਬਰ (ਮੋਹਰ ਸਿੰਘ ਗਿੱਲ)-ਕਿਸਾਨ ਯੂਨੀਅਨ ਫ਼ਤਿਹ (ਪੰਜਾਬ) ਵਲੋਂ ਕਿਸਾਨੀ ਮੰਗਾਂ ਨੂੰ ਲੈ ਕੇ ਬਲਾਕ ਕੋਟਕਪੂਰਾ ਵਲੋਂ ਮਾਰਕੀਟ ਕਮੇਟੀ ਦੇ ਚੇਅਰਮੈਨ ਗੁਰਮੀਤ ਸਿੰਘ ਆਰੇ ਵਾਲਾ ਨੂੰ ਮੰਗ ਪੱਤਰ ਦਿੱਤਾ ਗਿਆ | ਉਨ੍ਹਾਂ ਨਾਲ ਬੜੇ ਚੰਗੇ ਮਾਹੌਲ ਵਿਚ ਮੀਟਿੰਗ ਕੀਤੀ ਗਈ | ਮੀਟਿੰਗ 'ਚ ਕੁਝ ਮੰਗਾਂ ਜਿਵੇਂ ਕੋਟਕਪੂਰਾ ਤੋਂ ਜੈਤੋ ਸੂਏ ਵਾਲੀ ਸੜਕ ਬਾਈਪਾਸ ਜੋ ਕਿ ਟੁੱਟ ਚੁੱਕੀ ਹੈ, ਝੋਨੇ 'ਚ ਮੁਸਚਰ ਚੈਕ ਕਰਨ ਲਈ ਮਾਰਕੀਟ ਕਮੇਟੀ ਦੀ ਮਸ਼ੀਨ ਹੀ ਸਹੀ ਮੰਨੀ ਜਾਵੇਗੀ, ਝੋਨੇ ਦੇ ਸੀਜਨ ਦੌਰਾਨ ਝਾਰ ਖ਼ਰੀਦਣ ਵਾਲਿਆਂ ਨੂੰ ਕਮੇਟੀ ਵਲੋਂ ਲਾਇਸੰਸ ਜਾਰੀ ਕੀਤਾ ਜਾਵੇ, ਜਿਸ ਨਾਲ ਫ਼ਸਲ ਚੋਰੀ ਹੋਣ ਨੂੰ ਠੱਲ ਪਵੇਗੀ, ਪਿੰਡਾਂ ਵਾਲੀਆਂ ਮੰਡੀਆਂ ਵਿਚ ਪੀਣ ਵਾਲੇ ਪਾਣੀ, ਛਾਂ, ਲਾਈਟਾਂ ਆਦਿ ਦਾ ਵਧੀਆ ਪ੍ਰਬੰਧ ਕੀਤਾ ਜਾਵੇ, ਕਿਸਾਨਾਂ ਵਲੋਂ ਸੁੱਕਾ ਝੋਨਾ ਲਿਆਉਣ 'ਤੇ ਤੁਰੰਤ ਖ਼ਰੀਦਿਆ ਜਾਵੇ ਆਦਿ ਵਿਚਾਰੀਆਂ ਗਈਆਂ | ਚੇਅਰਮੈਨ ਨੇ ਵਿਸ਼ਵਾਸ ਦਿਵਾਇਆ ਕਿ ਪਹਿਲ ਦੇ ਅਧਾਰ 'ਤੇ ਸੜਕ ਦੀ ਮੁਰੰਮਤ ਕਰਵਾਈ ਜਾਵੇਗੀ | ਬਾਕੀ ਸਾਰੀਆਂ ਮੰਗਾਂ ਵੀ ਤੁਰੰਤ ਪੂਰੀਆਂ ਕੀਤੀਆਂ ਜਾਣਗੀਆਂ | ਜਥੇਬੰਦੀ ਨੇ ਚੇਅਰਮੈਨ ਦਾ ਧੰਨਵਾਦ ਕੀਤਾ | ਇਸ ਮੌਕੇ ਪ੍ਰਧਾਨ ਅਮਨਦੀਪ ਸਿੰਘ ਢਿੱਲੋਂ (ਪੰਜਾਬ), ਗੁਰਮੇਲ ਸਿੰਘ ਧਾਲੀਵਾਲ ਸੂਬਾ ਮੀਤ ਪ੍ਰਧਾਨ, ਗੁਰਨਾਮ ਸਿੰਘ ਢਿੱਲਾੋ ਸੂਬਾ ਖ਼ਜ਼ਾਨਚੀ, ਪ੍ਰਧਾਨ ਗੁਰਤੇਜ ਸਿੰਘ ਸੈਣੀ, ਸਰਪ੍ਰਸਤ ਕਮੇਟੀ ਪੰਜਾ ਜਥੇਦਾਰ ਬਲਦੇਵ ਸਿੰਘ, ਰੁਲਦੂ ਸਿੰਘ ਸੈਣੀ, ਲਖਮੀਰ ਸਿੰਘ ਬਰਾੜ, ਮਨਦੀਪ ਸਿੰਘ ਨੱਥੇਵਾਲਾ, ਕੁਲਦੀਪ ਸਿੰਘ ਸਰਪ੍ਰਸਤ ਕਮੇਟੀ ਮੈਂਬਰ, ਗੁਰਮੀਤ ਸਿੰਘ ਬਰਾੜ ਬਲਾਕ ਪ੍ਰਧਾਨ ਕੋਟਕਪੂਰਾ, ਗੁਰਇਕਬਾਲ ਸਿੰਘ ਸੀਨੀਅਰ ਬਲਾਕ ਪ੍ਰਧਾਨ ਕੋਟਕਪੂਰਾ, ਜੁਗਰਾਜ ਸਿੰਘ ਮੀਤ ਪ੍ਰਧਾਨ ਕੋਟਕਪੂਰਾ ਤੋਂ ਇਲਾਵਾ ਸਕੱਤਰ ਯੁਗਵੀਰ ਕੁਮਾਰ, ਮਨਜੀਤ ਸ਼ਰਮਾ ਆਪ ਆਗੂ, ਜਸਵਿੰਦਰ ਬੱਬੂ, ਓਮ ਪ੍ਰਕਾਸ਼ ਸ਼ਰਮਾ, ਪ੍ਰਧਾਨ ਆੜ੍ਹਤੀਆ ਐਸੋਸੀਏਸ਼ਨ ਯੋਗੇਸ਼ ਕੁਮਾਰ ਹਾਜ਼ਰ ਸਨ |
