ਰੁਦਰਪ੍ਰਯਾਗ (ਉੱਤਰਾਖੰਡ), 18 ਜੂਨ (ਪੀ.ਟੀ.ਆਈ.)-ਕੇਦਾਰਨਾਥ ਤੀਰਥ ਸਥਾਨ ਦੇ ਟ੍ਰੈਕ ਰੂਟ 'ਤੇ ਜ਼ਮੀਨ ਖਿਸਕਣ ਕਾਰਨ ਜੰਮੂ-ਕਸ਼ਮੀਰ ਦੇ ਦੋ ਪਾਲਕੀ ਚੁੱਕਣ ਵਾਲਿਆਂ ਦੀ ਮੌਤ ਹੋ ਗਈ ਤੇ ਗੁਜਰਾਤ ਦੇ ਇਕ ਸ਼ਰਧਾਲੂ ਸਮੇਤ ਤਿੰਨ ਹੋਰ ਜ਼ਖਮੀ ਹੋ ਗਏ | ਇਸ ਸਬੰਧੀ ਪੁਲਿਸ ਨੇ ਦੱਸਿਆ ਕਿ ਮਿ੍ਤਕਾਂ ਦੀ ਪਛਾਣ ਨਿਤਿਨ ਕੁਮਾਰ ਤੇ ਚੰਦਰਸ਼ੇਖਰ ਵਜੋਂ ਹੋਈ ਹੈ, ਦੋਵੇਂ ਜੰਮੂ-ਕਸ਼ਮੀਰ ਦੇ ਡੋਡਾ ਜ਼ਿਲ੍ਹੇ ਦੇ ਪਾਲਕੀ ਸਵਾਰ ਸਨ | ਜਖਮੀਆਂ ਦੀ ਪਛਾਣ ਸੰਦੀਪ ਕੁਮਾਰ ਤੇ ਨਿਤਿਨ ਮਨਹਾਸ ਵਜੋਂ ਹੋਈ ਹੈ, ਦੋਵੇਂ ਜੰਮੂ-ਕਸ਼ਮੀਰ ਦੇ ਡੋਡਾ ਤੋਂ ਪਾਲਕੀ ਸਵਾਰ ਸਨ ਤੇ ਇਕ ਸ਼ਰਧਾਲੂ ਆਕਾਸ਼ ਚਿੱਤਰੀਆ ਗੁਜਰਾਤ ਦੇ ਭਾਵਨਗਰ ਤੋਂ ਹੈ | ਰੁਦਰਪ੍ਰਯਾਗ ਦੇ ਪੁਲਿਸ ਸੁਪਰਡੈਂਟ (ਐਸ.ਪੀ.) ਅਕਸ਼ੈ ਪ੍ਰਹਿਲਾਦ ਕੋਂਡੇ ਨੇ ਕਿਹਾ ਕਿ ਰਸਤੇ 'ਤੇ ਜੰਗਲਚੱਟੀ ਘਾਟ ਨੇੜੇ ਸਵੇਰੇ 11.20 ਵਜੇ ਜ਼ਮੀਨ ਖਿਸਕਣ ਦੀ ਘਟਨਾ ਵਾਪਰੀ, ਜਿਸ 'ਚ ਪਹਾੜੀ ਤੋਂ ਪੱਥਰ ਡਿੱਗ ਗਏ ਤੇ ਸ਼ਰਧਾਲੂਆਂ, ਪਾਲਕੀ ਸਵਾਰਾਂ ਤੇ ਕੁਲੀ ਚਾਲਕਾਂ ਨੂੰ ਟੱਕਰ ਮਾਰੀ | ਜ਼ਮੀਨ ਖਿਸਕਣ ਦੇ ਮਲਬੇ ਹੇਠ ਦੱਬਣ ਤੋਂ ਬਾਅਦ ਉਹ ਇਕ ਖੱਡ 'ਚ ਡਿੱਗ ਗਏ | ਐਸ.ਪੀ. ਨੇ ਕਿਹਾ ਕਿ ਪੁਲਿਸ ਤੇ ਸਟੇਟ ਡਿਜ਼ਾਸਟਰ ਰਿਸਪਾਂਸ ਫੋਰਸ (ਐਸ.ਡੀ.ਆਰ.ਐਫ.) ਦੇ ਕਰਮਚਾਰੀ ਮੌਕੇ 'ਤੇ ਪਹੁੰਚੇ ਤੇ ਖੋਜ ਤੇ ਬਚਾਅ ਕਾਰਜ ਸ਼ੁਰੂ ਕੀਤਾ |
