ਅਹਿਮਦਾਬਾਦ, 20 ਜੂਨ (ਏਜੰਸੀ)-ਅਹਿਮਦਾਬਾਦ ਜਹਾਜ਼ ਹਾਦਸੇ 'ਚ ਮਾਰੇ ਗਏ 270 ਲੋਕਾਂ 'ਚੋਂ 231 ਦੀ ਪਛਾਣ ਡੀ.ਐਨ.ਏ. ਟੈਸਟਾਂ ਰਾਹੀਂ ਕੀਤੀ ਜਾ ਚੁੱਕੀ ਹੈ, ਜਦੋਂਕਿ 210 ਲਾਸ਼ਾਂ ਨੂੰ ਪਰਿਵਾਰਾਂ ਹਵਾਲੇ ਕਰ ਦਿੱਤਾ ਗਿਆ ਹੈ | ਅਧਿਕਾਰੀ ਪੀੜਤਾਂ ਦੀ ਪਛਾਣ ਲਈ ਡੀ.ਐਨ.ਏ. ਮਿਲਾਣ ਕਰ ਰਹੇ ਹਨ, ਕਿਉਂਕਿ ਕਈ ਲਾਸ਼ਾਂ ਜ਼ਿਆਦਾ ਸੜ ਗਈਆਂ ਹਨ ਜਾਂ ਖ਼ਰਾਬ ਹੋ ਗਈਆਂ ਹਨ | ਅਹਿਮਦਾਬਾਦ ਸਿਵਲ ਹਸਪਤਾਲ ਦੇ ਮੈਡੀਕਲ ਸੁਪਰਡੈਂਟ ਰਾਕੇਸ਼ ਜੋਸ਼ੀ ਨੇ ਕਿਹਾ ਕਿ 210 ਪੀੜਤਾਂ, ਜਿਨ੍ਹਾਂ ਦੀਆਂ ਲਾਸ਼ਾਂ ਪਰਿਵਾਰਾਂ ਹਵਾਲੇ ਕੀਤੀਆਂ ਗਈਆਂ ਹਨ, ਉਨ੍ਹਾਂ 'ਚ 166 ਭਾਰਤੀ, 36 ਬਿ੍ਟਿਸ਼ ਨਾਗਰਿਕ, 7 ਪੁਰਤਗਾਲੀ ਨਾਗਰਿਕ ਅਤੇ ਇਕ ਕੈਨੇਡੀਅਨ ਨਾਗਰਿਕ ਸ਼ਾਮਿਲ ਹਨ | ਜੋਸ਼ੀ ਨੇ ਦੱਸਿਆ ਕਿ 166 ਭਾਰਤੀਆਂ ਵਿਚੋਂ ਕੁੱਲ 155 ਜਹਾਜ਼ ਵਿਚ ਸਵਾਰ ਸਨ | ਉਨ੍ਹਾਂ ਕਿਹਾ ਕਿ ਹੁਣ ਤੱਕ ਜਿਨ੍ਹਾਂ ਭਾਰਤੀ ਪੀੜਤਾਂ ਦੀ ਪਛਾਣ ਕੀਤੀ ਗਈ ਹੈ, ਉਹ ਗੁਜਰਾਤ, ਰਾਜਸਥਾਨ, ਮਹਾਰਾਸ਼ਟਰ, ਦੀਉ ਤੇ ਨਾਗਾਲੈਂਡ ਤੋਂ ਹਨ |
