ਅੰਮਿ੍ਤਸਰ, 21 ਜੂਨ (ਸੁਰਿੰਦਰ ਕੋਛੜ)-ਭਾਰਤ ਨਾਲ ਬਣੇ ਤਣਾਅ ਦੌਰਾਨ ਚੀਨ, ਬੰਗਲਾਦੇਸ਼ ਅਤੇ ਪਾਕਿਸਤਾਨ ਵਿਚਕਾਰ ਪਹਿਲੀ ਤਿਕੋਣੀ ਅਧਿਕਾਰਤ ਮੀਟਿੰਗ ਚੀਨ ਦੇ ਕੁਨਮਿੰਗ ਸ਼ਹਿਰ 'ਚ ਹੋਈ | ਇਸ ਬੈਠਕ 'ਚ ਚੀਨ ਦੇ ਉਪ ਵਿਦੇਸ਼ ਮੰਤਰੀ ਸੁਨ ਵੇਇਡੋਂਗ, ਬੰਗਲਾਦੇਸ਼ ਦੇ ਕਾਰਜਕਾਰੀ ਵਿਦੇਸ਼ ਸਕੱਤਰ ਰੂਹੁਲ ਆਲਮ ਸਿੱਦੀਕੀ ਅਤੇ ਪਾਕਿਸਤਾਨ ਦੇ ਵਧੀਕ ਵਿਦੇਸ਼ ਸਕੱਤਰ ਇਮਰਾਨ ਅਹਿਮਦ ਸਿੱਦੀਕੀ ਨੇ ਸ਼ਿਰਕਤ ਕੀਤੀ | ਬੈਠਕ ਦੌਰਾਨ ਤਿੰਨਾਂ ਦੇਸ਼ਾਂ ਦੇ ਸੀਨੀਅਰ ਅਧਿਕਾਰੀਆਂ ਨੇ ਖੇਤਰੀ ਸਹਿਯੋਗ ਵਧਾਉਣ ਬਾਰੇ ਚਰਚਾ ਕੀਤੀ | ਇਸ ਦੇ ਨਾਲ ਹੀ ਪਾਕਿ ਦੀ ਵਿਦੇਸ਼ ਸਕੱਤਰ ਆਮਨਾ ਬਲੋਚ ਨੇ ਵੀਡੀਓ ਲਿੰਕ ਰਾਹੀਂ ਬੈਠਕ ਦੇ ਪਹਿਲੇ ਪੜਾਅ 'ਚ ਹਿੱਸਾ ਲਿਆ | ਆਪਣੇ ਸੰਬੋਧਨ 'ਚ ਪਾਕਿ ਦੀ ਵਿਦੇਸ਼ ਸਕੱਤਰ ਆਮਨਾ ਬਲੋਚ ਨੇ ਇਸ ਤਿਕੋਣੀ ਪਲੇਟਫਾਰਮ ਦੀ ਸ਼ੁਰੂਆਤ ਕਰਨ ਲਈ ਚੀਨ ਦੀ ਪ੍ਰਸ਼ੰਸਾ ਕੀਤੀ |
ਭਾਰਤ ਨਾਲ ਤਣਾਅ ਦੌਰਾਨ ਚੀਨ, ਬੰਗਲਾਦੇਸ਼ ਤੇ ਪਾਕਿ ਨੇ ਕੀਤੀ ਪਹਿਲੀ ਤਿਕੋਣੀ ਬੈਠਕ <br/>
ਅਜੀਤ ਡੈਸਕ
22-06-2025