ਟੋਰਾਂਟੋ, 17 ਅਕਤੂਬਰ (ਸਤਪਾਲ ਸਿੰਘ ਜÏਹਲ)-ਬੀਤੇ 6 ਕੁ ਮਹੀਨਿਆਂ ਦੀ ਪੜਤਾਲ ਮਗਰੋਂ ਬੀਤੇ ਦਿਨੀਂ ਉਂਟਾਰੀਓ ਪ੍ਰੋਵਿੰਸ਼ੀਅਲ ਪੁਲਿਸ ਵਲੋਂ ਬਰੈਂਪਟਨ ਵਾਸੀ ਕਵਲਬੀਰ ਸਿੰਘ (21) ਤੇ ਬਲਰਾਜ ਸਿੰਘ (31) ਨੂੰ ਗਿ੍ਫ਼ਤਾਰ ਕੀਤਾ ਗਿਆ ਹੈ | ਉਨ੍ਹਾਂ ਦੇ ਟਰੱਕ 'ਚੋਂ ਅਮਰੀਕਾ ਤੋਂ ਗੈਰ-ਕਾਨੂੰਨੀ ਤਰੀਕੇ ਨਾਲ ਲਿਆਂਦੇ ਗਏ 72 ਪਿਸਤÏਲ, ਹੋਰ ਅਸਲ੍ਹਾ ਤੇ ਨਸ਼ੀਲੇ ਪਦਾਰਥ ਜ਼ਬਤ ਕੀਤੇ ਗਏ | ਦੋਵਾਂ ਦੀ ਜ਼ਮਾਨਤ ਨਹੀਂ ਹੋਈ ਤੇ ਉਨ੍ਹਾਂ ਨੂੰ ਅਗਲੇ ਹਫ਼ਤੇ ਅਦਾਲਤ 'ਚ ਪੇਸ਼ ਕੀਤਾ ਜਾਵੇਗਾ | ਇਕ ਵੱਖਰੀ ਖ਼ਬਰ ਅਨੁਸਾਰ ਬਰੈਂਪਟਨ ਨੇੜੇ ਕੈਲੇਡਨ 'ਚ ਸ਼ਰਾਬੀ ਹੋ ਕੇ ਗੱਡੀ ਚਲਾਉਣ ਦੇ ਦੋਸ਼ਾਂ 'ਚ ਤਜਿੰਦਰ ਸਿੰਘ (29) ਵੀ ਪੁਲਿਸ ਦੇ ਹੱਥ ਆਇਆ ਹੈ | ਇਸੇ ਤਰ੍ਹਾਂ ਬਰੈਂਪਟਨ ਵਿਖੇ ਗ਼ੈਰ-ਕਾਨੰੂਨੀ ਅਸਲ੍ਹੇ ਸਮੇਤ ਸਤਨਾਮ ਸਿੰਘ ਨੂੰ ਪੀਲ ਪੁਲਿਸ ਨੇ ਗਿ੍ਫ਼ਤਾਰ ਕੀਤਾ |
