ਸਮਾਧ ਭਾਈ, 16 ਜੂਨ (ਜਗਰੂਪ ਸਿੰਘ ਸਰੋਆ)-ਪਿੰਡ ਮਹਿਣਾ ਦੇ ਨਿਵਾਸੀ ਨਾਮਦੇਵ ਸਿੰਘ ਪੁੱਤਰ ਜਸਬੀਰ ਸਿੰਘ ਵਲੋਂ ਦਿਖਾਈ ਇਮਾਨਦਾਰੀ ਪੇ੍ਰਰਨਾ ਦਾ ਸਰੋਤ ਬਣ ਗਈ ਹੈ | ਦਰਅਸਲ ਨਾਮਦੇਵ ਸਿੰਘ ਨੂੰ ਇਕ ਮਹਿੰਗਾ ਮੋਬਾਈਲ ਲੱਭਿਆ ਸੀ ਤੇ ਅਸਲ ਮਾਲਕ ਦੀ ਕੋਈ ਪਛਾਣ ਨਾ ਹੋਣ ਦੇ ਬਾਵਜੂਦ ਉਨ੍ਹਾਂ ਨੇ ਕੋਈ ਲਾਲਚ ਨਾ ਕਰਦੇ ਹੋਏ ਇਸ ਮੋਬਾਈਲ ਦੀ ਜਾਣਕਾਰੀ ਪ੍ਰਾਪਤ ਕਰਕੇ ਉਸ ਦੇ ਅਸਲ ਮਾਲਕ ਡੀ.ਐਸ.ਪੀ. ਭੁਪਿੰਦਰ ਸਿੰਘ ਏ.ਐਨ.ਟੀ.ਐਫ. ਫ਼ਿਰੋਜ਼ਪੁਰ ਰੇਂਜ ਨੂੰ ਸੌਂਪ ਦਿੱਤਾ | ਡੀ.ਐਸ.ਪੀ. ਭੁਪਿੰਦਰ ਸਿੰਘ ਨੇ ਆਪਣਾ ਕੀਮਤੀ ਮੋਬਾਈਲ ਵਾਪਸ ਮਿਲਣ 'ਤੇ ਨਾਮਦੇਵ ਸਿੰਘ ਦਾ ਧੰਨਵਾਦ ਕੀਤਾ ਤੇ ਨਕਦ ਰਾਸ਼ੀ ਨਾਲ ਸਨਮਾਨ ਕੀਤਾ ਅਤੇ ਉਨ੍ਹਾਂ ਦੀ ਇਮਾਨਦਾਰੀ ਦੀ ਭਰਪੂਰ ਤਾਰੀਫ਼ ਕਰਦਿਆਂ ਕਿਹਾ ਕਿ ਮਨੁੱਖੀ ਸਮਾਜ ਅਜੇ ਵੀ ਇਨਸਾਫ਼, ਇਮਾਨਦਾਰੀ ਅਤੇ ਸਚਾਈ ਵਰਗੀਆਂ ਉੱਚੀਆਂ ਸਿਫ਼ਤਾਂ ਉੱਤੇ ਖੜਾ ਹੈ | ਇਸ ਸਮੇਂ ਗੁਰਸਿਮਰਨ ਸਿੰਘ ਗਿੱਲ ਐਸ.ਡੀ.ਓ. ਮਾਈਨਿੰਗ ਫ਼ਿਰੋਜ਼ਪੁਰ ਵੀ ਨਾਲ ਸਨ |