ਸਮਾਲਸਰ, 22 ਸਤੰਬਰ (ਗੁਰਜੰਟ ਕਲਸੀ ਲੰਡੇ)-ਬਾਰਸ਼ਾਂ ਮੁੜੀਆਂ ਨੂੰ ਕਰੀਬ 18 ਕੁ ਦਿਨ ਹੋ ਗਏ ਹਨ | ਵੱਖ-ਵੱਖ ਪਿੰਡ ਵਾਸੀਆਂ ਨੇ ਆਪਣੇ ਪਿੰਡਾਂ 'ਚੋਂ ਮੀਂਹ ਨਾਲ ਹੋਈ ਘਰਾਂ ਦੀ ਤਬਾਹੀ, ਗਲੀਆਂ ਦੀ ਗਾਰ, ਗਲੀ ਵਿਚ ਉੱਗਿਆ ਘਾਹ ਆਦਿ ਸਾਫ ਕਰਨ ਦਾ ਕੰਮ ਵਿੱਢ ਦਿੱਤਾ ਹੈ | ਪਿੰਡ ਰੋਡੇ ਦੇ ਬਾਦਲ ਪੱਤੀ ਦੇ ਪੰਡਤਾਂ ਵਾਲੀ ਗਲੀ ਦੇ ਬੂਟਾ ਸਿੰਘ ਅਤੇ ਦਾਰਾ ਸਿੰਘ ਨੇ ਦੱਸਿਆ ਕਿ ਭਾਰੀ ਬਾਰਸ਼ਾਂ ਕਾਰਨ ਪਿੰਡ ਦੀ ਇਸ ਗਲੀ ਵਿਚ ਚਿੱਕੜ ਗਾਰ ਆਦਿ ਭਰ ਗਈ ਅਤੇ ਉੱਪਰੋਂ ਘਾਹ ਫੂਸ ਆਦਿ ਉੱਘ ਆਇਆ ਤੇ ਗਲੀ ਵਿਚ ਕਰੀਬ ਲਾਂਘਾ ਹੀ ਬੰਦ ਹੋ ਗਿਆ ਸੀ | ਕਾਫੀ ਘਾਹ ਉੱਘਣ ਕਾਰਨ ਸੱਪ ਆਦਿ ਜ਼ਹਿਰੀਲੇ ਜਾਨਵਰਾਂ ਦਾ ਟਿਕਾਣਾ ਬਣ ਗਿਆ ਅਤੇ ਰਾਤ ਬਰਾਤੇ ਤਾਂ ਓਦਾਂ ਹੀ ਲੰਘਣਾ ਬੰਦ ਹੋ ਗਿਆ ਸੀ | ਹੁਣ ਗਾਰ, ਚਿੱਕੜ ਸੁੱਕ ਗਿਆ ਹੈ ਅਤੇ ਅਸੀਂ ਇਸ ਚਿੱਕੜ ਗਾਰ ਆਦਿ ਨੂੰ ਗਲੀ ਵਿਚੋਂ ਬਾਹਰ ਕੱਢ ਕੇ ਗਲੀ ਦੀ ਪੂਰੀ ਸਫਾਈ ਕਰਨੀ ਸ਼ੁਰੂ ਕਰ ਦਿੱਤੀ ਹੈ |
