ਸਮਾਧ ਭਾਈ, 23 ਦਸੰਬਰ (ਜਗਰੂਪ ਸਿੰਘ ਸਰੋਆ)-ਖੋ ਖੋ ਪੰਜਾਬ ਵਲੋਂ ਪੰਜਾਬ ਦੀ ਲੜਕੀਆਂ ਦੀ ਟੀਮ ਦੇ ਟਰਾਇਲ ਕੱਲ੍ਹ 25 ਦਸੰਬਰ 2025 ਨੂੰ ਸਵੇਰੇ 11 ਵਜੇ ਸ਼ਹੀਦ ਤੇਜਾ ਸਿੰਘ ਸੀਨੀਅਰ ਸੈਕੰਡਰੀ ਸਕੂਲ ਸਮਾਧ ਭਾਈ (ਮੋਗਾ) ਵਿਖੇ ਕਰਵਾਏ ਜਾ ਰਹੇ ਹਨ | ਇਸ ਮੌਕੇ ਖੋ-ਖੋ ਕੋਚ ਜਸਵਿੰਦਰ ਸਿੰਘ ਨੇ ਦੱਸਿਆ ਕਿ ਖੋ-ਖੋ ਪੰਜਾਬ ਦੇ ਜਨਰਲ ਸਕੱਤਰ ਰਵਿੰਦਰ ਸਿੰਘ ਦੇ ਆਦੇਸ਼ਾਂ ਤਹਿਤ ਖੋ-ਖੋ ਇੰਡੀਆ ਵਲੋਂ ਸਬ ਜੂਨੀਅਰ ਟੂਰਨਾਮੈਂਟ 10 ਜਨਵਰੀ ਤੋਂ 14 ਜਨਵਰੀ 2026 ਤੱਕ ਸੂਰਤ ਗੁਜਰਾਤ ਵਿਖੇ ਕਰਵਾਇਆ ਜਾ ਰਿਹਾ ਹੈ | ਇਸ ਟੂਰਨਾਮੈਂਟ ਵਿਚ ਪੰਜਾਬ ਦੀ ਟੀਮ ਵੀ ਭਾਗ ਲੈ ਰਹੀ ਹੈ ਜਿਸ ਕਰਕੇ ਇਹ ਟਰਾਇਲ ਰੱਖੇ ਗਏ ਹਨ | ਇਸ ਸਮੇਂ ਸਾਰੇ ਜ਼ਿਲਿ੍ਹਆਂ ਦੇ ਪ੍ਰਧਾਨ/ਸਕੱਤਰ ਆਪਣੇ ਆਪਣੇ ਜ਼ਿਲੇ੍ਹ ਦੀਆਂ ਲੜਕੀਆਂ ਦੀਆਂ ਟੀਮਾਂ ਨੂੰ ਸਮੇਂ ਸਿਰ ਟਰਾਇਲਾਂ 'ਤੇ ਭੇਜਣ, ਜਿਨ੍ਹਾਂ ਵਿਚ ਖਿਡਾਰੀ ਦੀ ਉਮਰ 12 ਜਨਵਰੀ 2012 ਤੋਂ ਉੱਪਰ ਹੋਵੇ ਉਹ ਖਿਡਾਰੀ ਆਪਣਾ ਆਧਾਰ ਕਾਰਡ, ਜਨਮ ਸਰਟੀਫਿਕੇਟ, 4 ਪਾਸਪੋਰਟ ਸਾਈਜ਼ ਫੋਟੋ ਲੈ ਕੇ ਟਰਾਇਲ ਦੇ ਸਥਾਨ 'ਤੇ ਪੁੱਜਣ |
